Fór ófögrum orðum um sína fyrrverandi

Leikarinn Charie Sheen fór ófögrum orðum um fyrrverandi eiginkonu sína, Denise Richards, á sunnudaginn.

Sheen birti á Twitter ansi harðorða yfirlýsingu um Richards vegna þess að hún vildi ekki leyfa honum að taka börnin þeirra tvö með til Mexíkó á síðustu stundu, en Sheen vildi fagna feðradeginum ásamt börnum sínum í Mexíkó. Hann var á leið þangað ásamt fyrrverandi eiginkonu sinni, Brooke Mueller, og sex ára tvíburasonum þeirra.

Richards birti í staðinn yfirvegaðar hamingjuóskir á feðradaginn til síns fyrrverandi þar sem hún óskaði honum til hamingju með daginn og sagði börnin sakna hans, en þau myndu fagna deginum þegar hann kæmi heim frá Mexíkó.

Sheen og Richards giftu sig árið 2002 og skildu tveimur árum seinna og eiga þau tvær dætur saman, Sam og Lolu Rose.