Vegan fæði er æði, segir drottningin sjálf

Poppprinsessan Beyoncé sagði frá því á dögunum í Good Morning America að loks væri hún búin að finna sér hið fullkomna mataræði, sem héldi þyngdinni í skefjum.

Um ræðir sérstaka tuttugu og tveggja daga áskorun hannaða af Marco Borges og er vegan matarplan. „Ég er ekki grennsta konan á jörðinni, ég er með línur og er stolt af þeim. En ég hef staðið í baráttu við aukakíló síðan ég man eftir mér,“ sagði söngkonan, sem mörgum þykir ein sú allra glæsilegasta. 

Sagði Beyonce þessa tuttugu og tveggja daga áskorun ekki aðeins hafa skilað henni viðvarandi lausn á vigtinni, heldur sé húðin á henni mun þéttari og fallegri.

„Ég bara verð að deila þessu með öllum,“ lét hún hafa eftir sér í lok spjallsins við þáttastjórnendur.