Skírði dóttur sína í höfuðið á Paul Walker

Leikarinn Vin Diesel og Paloma Jimenez eignuðust dóttur um miðjan mánuðinn, saman á parið þrjú börn.

Í gær tilkynnti Diesel nafn dótturinnar í sjónvarpsþættinum Today og fékk hún nafnið Pauline.

Nafngiftin er í höfuðið á góðum vini Diesels, leikaranum Paul Walker sem lést í bílslysi þann 30 nóvember árið 2013.

Diesel og Walker voru mjög nánir og léku saman í Fast & Furious-kvikmyndunum og hefur Diesel meðal annars sagt að hann hafi litið á Walker líkt og bróður.

Þegar Walker lést stóðu yfir tökur á myndinni Furious 7 og var þeim haldið áfram eftir að framleiðendur höfðu rætt við aðstandendur leikarans, myndin verður frumsýnd í byrjun apríl.