Íslenskur sjávarútvegur – Staða og horfur Helga Sigurrós Valgeirsdóttir skrifar 25. nóvember 2015 10:45 Það er margt spennandi framundan í sjávarútvegi á Íslandi. Við í Arion banka fengum Íslenska sjávarklasann í lið með okkur til að greina stöðu og horfur í nokkrum af þeim viðfangsefnum sem geta haft veruleg áhrif á þessa mikilvægu útflutningsgrein þjóðarinnar. Niðurstöðurnar er að finna í ritinu Íslenskur sjávarútvegur – Staða og horfur, sem bankinn gaf út í tengslum við Sjávarútvegsráðstefnunna í síðustu viku. Meðal þeirra viðfangsefna sem tekin eru fyrir í ritinu er úttekt á möguleikum fólgnum í frekari vinnslu fersks fisks til útflutnings. Á síðustu 14 árum hefur útflutningsverðmæti ferskra afurða aukist um 26 milljarða króna. Með áframhaldandi þróun í þessa átt og frekari vinnslu fersks fisks er ljóst að verðmætin geta aukist enn frekar. Sjávarútvegur vegur þungt í landsframleiðslu okkar Íslendinga. Í ritinu skoðum við hvernig gengi krónunnar hefur áhrif á framlag greinarinnar til landsframleiðslunnar. Hefði gengið til dæmis styrkst um 10% á ári frá árinu 2008 hefði uppsafnaður virðisauki í sjávarútvegi verið 246 milljörðum lakari en hann í raun var (á föstu verðlagi). Við lítum einnig til mögulegar þróunar í fiskeldi á Íslandi. Gangi samspil mikilvægra umhverfisþátta, grunnrannsókna og uppbyggingar innan greinarinnar upp þá getur fiskeldi orðið mikilvægt íslenskum efnahag. Auk þess að stuðla að fjölbreyttari atvinnuuppbyggingu á einhæfum atvinnusvæðum landsins þá gæti greinin skilað umtalsverðum útflutningstekjum, 40-65 milljörðum króna, takist að byggja eldi upp í 50 þúsund tonna ársframleiðslu og halda þeim verðum sem eldisafurðir okkar seldust á árið 2014. Það er sérstaklega athyglisvert þegar litið er til þeirra ólíku viðfangsefna sem í ritinu er að finna hversu oft málefni flutningskerfisins koma upp. Þróun flutningskerfa hér á landi hefur skipt okkur máli og kemur til með að gera það áfram á eylandinu Íslandi. Til dæmis er nú um helmingur botnfisksafla unninn á suðvesturhorni landsins. Fyrir rúmum 20 árum voru þetta 36%. Vinnsla fersks fisks flyst stöðugt nær útflutningsleiðum okkar, Sundahöfn og Keflavíkurflugvelli. Það skiptir máli að lágmarka tímann frá vinnslu fersks fisks þar til hann stendur neytendum handan hafsins til boða. Ef við ætlum að auka útflutning á ferskum fiski enn frekar er mikilvægt að flutningsgeta með flugi vaxi samhliða því, sérstaklega þegar horft er til Bandaríkjamarkaðar. Þetta er einnig mikilvægt þegar horft er til þess að ná frekari árangri á Asíumörkuðum, þá skiptir miklu máli að þróa flutningakerfi okkar í takt við það. Tækifærin eru mýmörg, við stöndum framarlega í þróun veiði- og vinnslutækni og nýsköpunar í sjávarútvegi. Það er spennandi að starfa með og innan íslensks sjávarútvegs. Viltu birta grein á Vísi? Sendu okkur póst. Senda grein Mest lesið Enga saltdreifara á Bessastaði takk Skírnir Garðarsson Skoðun Eins og sandur úr greip Jón Steindór Valdimarsson Skoðun Bakslag í streymi Silja Snædal Drífudóttir Skoðun Sögufölsun eytt í kyrrþey Hjörtur Hjartarson Skoðun Hvernig forseta vilt þú? Valdís Arnarsdóttir Skoðun Spurðu fólkið Halla Tómasdóttir Skoðun Satt og logið Bryndís Schram Skoðun Óbærileg léttúð VG Jakob Frímann Magnússon Skoðun Hver er pælingin? Ásgeir Brynjar Torfason Skoðun Breiðholt brennur Eðvarð Hilmarsson Skoðun Skoðun Skoðun Eins og sandur úr greip Jón Steindór Valdimarsson skrifar Skoðun Enga saltdreifara á Bessastaði takk Skírnir Garðarsson skrifar Skoðun Hvernig forseta vilt þú? Valdís Arnarsdóttir skrifar Skoðun Spurðu fólkið Halla Tómasdóttir skrifar Skoðun Vopn, sprengjur og annað eins Árný Björg Blandon skrifar Skoðun Hvar er eldhúsglugginn? Elsa Ævarsdóttir skrifar Skoðun Bakslag í streymi Silja Snædal Drífudóttir skrifar Skoðun Tímaskekkja á 21. öldinni Valerio Gargiulo skrifar Skoðun Hver er pælingin? Ásgeir Brynjar Torfason skrifar Skoðun Í átt að velsæld á nokkrum mínútum Olga Björt Þórðardóttir skrifar Skoðun Er fyrirmyndarríkið Ísland í ruslflokki í sorpmálum? Sigurður Páll Jónsson skrifar Skoðun Takk fyrir vettlingana! Hópur foreldra leikskólabarna í Reykjavík skrifar Skoðun Hvað varð um samveruna? Hildur Gunnarsdóttir skrifar Skoðun Listir og velferð Kristín Valsdóttir skrifar Skoðun Er forsetaframbjóðendum umhugað um dýravernd? Árni Stefán Árnason skrifar Skoðun Þegar þú vilt miklu meira bákn Hjörtur J. Guðmundsson skrifar Skoðun Óbærileg léttúð VG Jakob Frímann Magnússon skrifar Skoðun Að hafa áhrif á nærumhverfi sitt Guðbrandur Einarsson skrifar Skoðun Framtíð innri markaðarins Gunnar Bragi Sveinsson skrifar Skoðun Satt og logið Bryndís Schram skrifar Skoðun Alþjóðlegi leiðsöguhundadagurinn Sigþór U. Hallfreðsson skrifar Skoðun Framsókn leggst ekki í duftið Guðmundur Birkir Þorkelsson skrifar Skoðun Að dreyma um alheim góðvildar Valerio Gargiulo skrifar Skoðun Að bjarga sex lífum á mínútu í hálfa öld Birna Þórarinsdóttir skrifar Skoðun Þegar þú ert báknið Gabríel Ingimarsson skrifar Skoðun Svik við þjóðina Alfreð Sturla Böðvarsson skrifar Skoðun Innivist er mikilvægasti þátturinn við hönnun íbúða! Ásta Logadóttir skrifar Skoðun Brautryðjandinn Baldur Þóra Björk Smith skrifar Skoðun Katrín og Gunnar? Hjörtur J. Guðmundsson skrifar Skoðun Ótímabundin leyfi, ótímabundið náttúruníð Elvar Örn Friðriksson skrifar Sjá meira
Það er margt spennandi framundan í sjávarútvegi á Íslandi. Við í Arion banka fengum Íslenska sjávarklasann í lið með okkur til að greina stöðu og horfur í nokkrum af þeim viðfangsefnum sem geta haft veruleg áhrif á þessa mikilvægu útflutningsgrein þjóðarinnar. Niðurstöðurnar er að finna í ritinu Íslenskur sjávarútvegur – Staða og horfur, sem bankinn gaf út í tengslum við Sjávarútvegsráðstefnunna í síðustu viku. Meðal þeirra viðfangsefna sem tekin eru fyrir í ritinu er úttekt á möguleikum fólgnum í frekari vinnslu fersks fisks til útflutnings. Á síðustu 14 árum hefur útflutningsverðmæti ferskra afurða aukist um 26 milljarða króna. Með áframhaldandi þróun í þessa átt og frekari vinnslu fersks fisks er ljóst að verðmætin geta aukist enn frekar. Sjávarútvegur vegur þungt í landsframleiðslu okkar Íslendinga. Í ritinu skoðum við hvernig gengi krónunnar hefur áhrif á framlag greinarinnar til landsframleiðslunnar. Hefði gengið til dæmis styrkst um 10% á ári frá árinu 2008 hefði uppsafnaður virðisauki í sjávarútvegi verið 246 milljörðum lakari en hann í raun var (á föstu verðlagi). Við lítum einnig til mögulegar þróunar í fiskeldi á Íslandi. Gangi samspil mikilvægra umhverfisþátta, grunnrannsókna og uppbyggingar innan greinarinnar upp þá getur fiskeldi orðið mikilvægt íslenskum efnahag. Auk þess að stuðla að fjölbreyttari atvinnuuppbyggingu á einhæfum atvinnusvæðum landsins þá gæti greinin skilað umtalsverðum útflutningstekjum, 40-65 milljörðum króna, takist að byggja eldi upp í 50 þúsund tonna ársframleiðslu og halda þeim verðum sem eldisafurðir okkar seldust á árið 2014. Það er sérstaklega athyglisvert þegar litið er til þeirra ólíku viðfangsefna sem í ritinu er að finna hversu oft málefni flutningskerfisins koma upp. Þróun flutningskerfa hér á landi hefur skipt okkur máli og kemur til með að gera það áfram á eylandinu Íslandi. Til dæmis er nú um helmingur botnfisksafla unninn á suðvesturhorni landsins. Fyrir rúmum 20 árum voru þetta 36%. Vinnsla fersks fisks flyst stöðugt nær útflutningsleiðum okkar, Sundahöfn og Keflavíkurflugvelli. Það skiptir máli að lágmarka tímann frá vinnslu fersks fisks þar til hann stendur neytendum handan hafsins til boða. Ef við ætlum að auka útflutning á ferskum fiski enn frekar er mikilvægt að flutningsgeta með flugi vaxi samhliða því, sérstaklega þegar horft er til Bandaríkjamarkaðar. Þetta er einnig mikilvægt þegar horft er til þess að ná frekari árangri á Asíumörkuðum, þá skiptir miklu máli að þróa flutningakerfi okkar í takt við það. Tækifærin eru mýmörg, við stöndum framarlega í þróun veiði- og vinnslutækni og nýsköpunar í sjávarútvegi. Það er spennandi að starfa með og innan íslensks sjávarútvegs.