Ásgerður Stefanía Baldursdóttir, fyrirliði Stjörnunnar, fékk óvenjulegt gult spjald í leik Stjörnunnar og Breiðabliks í Borgunarbikar kvenna í gærkvöldi.
Ásgerður var þá að fá sér verkjatöflu út við hliðarlínu þegar boltinn kom til hennar. Garðar Örn Hinriksson, dómari leiksins, gaf Ásgerði gult spjald.
Í Boltavakt Vísis frá leiknum í gær stendur: „Fyrirliðinn fær gult spjald. Var að drekka út við hliðarlínu og tekur við boltanum með vatnsbrúsann í hendinni. Rauði baróninn rífur upp gula spjaldið fyrir vikið."
„Ég vissi ekki af þessari reglu,“ sagði Ásgerður í samtali við Vísi í leikslok. „Ég var að fá mér að drekka því ég þurfti að taka verkjatöflu. Ég kenni Bryndísi um spjaldið, hún gaf boltann á mig.“
Atvikið athyglisverða má sjá hér að ofan, en leikurinn var sýndur í beinni á SportTV.
Fékk boltann með brúsann í hendinni og fékk gult spjald
Tengdar fréttir
Sjáðu þrumufleyg Hörpu sem skaut Stjörnunni í 8-liða úrslit
Stjarnan sló Breiðablik út úr 16-liða úrslitum Borgunarbikars-kvenna með 2-1 sigri í leik liðanna á Samsung-vellinum í Garðabæ í gærkvöldi. Liðunum er báðum spáð mikilli velgengni á tímabilinu.
Umfjöllun og viðtöl: Stjarnan - Breiðablik 2-1 | Bikarmeistararnir verða í pottinum þgar dregið verður
Stjarnan stóð uppi sem sigurvegari í miklum baráttuleik.
