Óljóst hvort Bono spili aftur á gítar

Tónlistarmaðurinn Bono óttast að hann muni aldrei framar leika á gítar eftir hjólreiðaslysið í nóvember síðastliðnum þar sem hann brotnaði illa í andliti, á öxlinni og á handlegg þar sem setja þurfti þrjár málmplötur og átján skrúfur til að koma brotinu saman.

Bono segir núna í bréfi til aðdáenda sinna á vefsíðu sveitarinnar U2 að hann eigi erfitt með hreyfingu  þurfi á öllu sínu að halda til að komast í form fyrir næsta tónleikaferðalag sveitarinnar.

„Endurhæfingin hefur gengið hægar en ég bjóst við. Þegar ég skrifa þetta er óljóst hvort ég muni spila aftur á gítar. Félagar mínir hafa þó minnt mig á að hvorki þeir né vestrænt samfélagi stóli á það,“ sagði Bono.

„Persónulega á ég eftir að sakna þess að leika ekki á gítarinn. Bara ánægjunnar vegna, burt séð frá lagasmíðum.“