Tólf verkefni fá hvatningarverðlaun skóla- og frístundaráðs

Tólf verkefni í leikskólum, grunnskólum og frístundamiðstöðvum Reykjavíkurborgar fengu hvatningarverðlaun skóla- og frístundaráðs í dag en þau voru veitt við hátíðlega athöfn í Tjarnarsal ráðhússins.

Nær fjörutíu tilnefningar bárust til verðlaunanna sem veitt eru árlega fyrir gróskumikið skóla- og frístundastarf í Reykjavík.

Hvatningarverðlaun fyrir leikskólastarf fengu 

• Dalskóli fyrir verkefnið Tökum flugið
• Laufásborg fyrir verkefnið Skák í leikskólanum
• Sæborg fyrir verkefnið Listsköpun í Sæborg

Hvatningarverðlaun fyrir grunnskólastarf fengu

• Grandaskóli fyrir verkefnið Lestarátak í samstarfi við Forlagið
• Hólabrekkuskóli fyrir verkefnið Vinaliðar í Hólabrekkuskóla
• Laugarnesskóli fyrir verkefnið Umhverfið mitt. Í samstarfi við Listaháskóla Íslands og Grasagarðinn í Laugardal.

Hvatningarverðlaun fyrir frístundastarf fengu

• Frístundaheimilið Eldflaugin fyrir verkefnið  Ævintýraspilið
• Félagsmiðstöðin 105 fyrir verkefnið Femínistafélag 105
• Frístundaheimilið Gulahlíð fyrir verkefnið Tómstundaklúbbur

Þá voru veitt hvatningarverðlaun fyrir þverfagleg samstarfsverkefni leikskóla, grunnskóla, frístundarstarfs og félagsmiðstöðva

• Árbæjarskóli og félagsmiðstöðin Tían fyrir verkefið Hönd í hönd
• Gullborg, Grandaskóli og Undraland fyrir verkefnið Opinskátt gegn ofbeldi
• Þróttheimar og Langholtsskóli fyrir verkefnið Lýðræðisleg vinnubrögð í nemendaráði Þróttheima og Langholtsskóla

Í tilkynningu frá Reykjavíkurborg segir að markmið hvatningarverðlauna skóla- og frístundaráðs sé að veita starfsfólki skóla og frístundasviðs hvatningu og stuðla að nýbreytni- og þróunarstarfi með börnum og ungmennum.