Cooper í stað Eastwood

Til stóð að leikarinn Clint Eastwood myndi leikstýra endurgerð myndarinnar A Star is Born. Nú hafa Warnes Bros hins vegar hafið viðræður við leikarann Bradley Cooper um að bregða sér á bak við myndavélina og leikstýra myndinni.

Eastwood ætlaði upphaflega að fá Cooper til þess að fara með aðalhlutverkið í myndinni ásamt söngkonunni Beyoncé.

Myndin A Star is Born var upphaflega gerð árið 1937 með þeim Frederick March og Janet Gaynor í aðalhlutverkum.

Hún var svo endurgerð tvisvar, fyrst árið 1954 með Judy Garland og James Mason og svo aftur árið 1976 með Kris Kristofferson og Barbra Streisand.