Flassaði gesti Wireless óvart

Nicki Minaj, söngkonan frækna, gerði gestum Wireless tónlistarhátíðarinnar í Bretlandi um liðna helgi, aldeilis grikk. Lét hún aðdáendur bíða eftir sér í tvo klukkutíma, og kenndi umferðinni um.

Gestir voru að vonum ósáttir með framkomuna, en hún sá sér fært að stíga á stokk á meðan Davit Guetta var að spila. Hann gat þá bara hypjað sig og Minaj tók við.



Einhverjir kunna þó að hafa fyrirgefið skvísunni, því á meðan á tónleikastandinu stóð slitnaði hlýri á bolnum hennar með þeim afleiðingum að geirvarta Minaj frelsaðist um stund, við mikinn fögnuð áhorfenda. Minaj var þó fljót að koma henni skjól þegar hún áttaði sig á stöðu mála.