Sigurrós Ásta bræddi hjörtu þúsunda í brekkunni í Herjólfsdal

Áður en Ingólfur Þórarinsson steig á stóra sviðið í Herjólfsdal á sunnudagskvöldið á Þjóðhátíð var ung stúlka sem bræddi hjörtu þeirra sem á hlýddu. Sú heitir Sigurrós Ásta Þórisdóttir og er fimm ára Garðbæingur.

Sigurrós kom, sá og sigraði í söngkeppni barna, yngri hóp, á Þjóðhátíð. Hún söng lagið Í réttu ljósi úr Ávaxtakörfunni. Í laginu er minnt á það að hver dagur sé gjöf, allir þrái ást og að eitt eigi yfir alla að ganga.

Blaðamaður var staddur fyrir framan stóra sviðið í Herjólfsdal þegar Sigurrós Ásta flutti lagið sitt. Óhætt er að segja að þessi fimm ára söngkona eigi framtíðina fyrir sér og öruggt að blaðamaður var ekki sá eini sem fékk gæsahúð á meðan Sigurrós flutti, eins og ekkert væri, lagið sitt fyrir nokkur þúsund manns í brekkunni.

Flutninginn á laginu má sjá hér að neðan og þar má einnig finna textann fyrir hina söngelsku sem gætu viljað syngja með. Aðalsteinn Baldursson tók myndbandið upp. Fögnuðurinn í lokin var mikill enda frammistaðan frábær.

Sigurvegari söngvarakeppni, yngri flokkur.

Posted by Aðalsteinn Baldursson on Sunday, August 2, 2015

Í réttu ljósi

Ef horft er á í réttu ljósi.

Hve lífið er stutt,

og lukkan svo hverful og þrá.

Ef horft er á í réttu ljósi.

Hver dagur er gjöf,

svo margt sem að hægt er að sjá.

Við syngjum saman:

Eitt yfir alla gengur yfir einn

Eitt fyrir alla gildir fyrir einn

Einn fyrir alla og allir fyrir einn

Við syngjum saman:

Eitt yfir alla gengur yfir einn

Eitt fyrir alla gildir fyrir einn

Einn fyrir alla og allir fyrir einn

Ef horft er á í réttu ljósi.

Hvað það er í raun

sem fær lítið hjarta til að slá.

Ef horft er á í réttu ljósi.

Hvers vegna ást

er eitthvað sem að allir þrá.

Við syngjum saman:

Eitt yfir alla gengur yfir einn

Eitt fyrir alla gildir fyrir einn

Einn fyrir alla og allir fyrir einn

Við syngjum saman:

Eitt yfir alla gengur yfir einn

Eitt fyrir alla gildir fyrir einn

Einn fyrir alla og allir fyrir einn

Allir sem einn