Félagsmálaráðherra fullyrðir að uppbyggingin sé sú mesta í 50 ár

Ríkisstjórnin mun beita sér fyrir byggingu tvö þúsund og þrjú hundruð ódýrra félagslegra íbúða á næstu fjórum árum í samstarfi við aðila vinnumarkaðrins og sveitarfélaga í landinu. Milliskattsstig í staðgreiðslu verður lagt niður í áföngum og ungu fólki gert léttara að kaupa fystu íbúð.

Formenn stjórnarflokkanna og félagsmálaráðherra kynntu aðgerðir ríkisstjórnarinnar í tengslum við gerð kjarasamninga í ellefu liðum í dag. Skattprósentan í milliskattsþrepi staðgreiðslu verður lækkað um 0,18 prósentustig um næstu áramót og þrepið að full afnumið um áramótin 2016 og 2017.

Þá lækkar einnig skattprósentan í neðra þrepinu og í efra þrepinu og verður 9,3 prósenta munur á skattþrepunum þegar upp verður staðið. Þessar aðgerðir kosta ríkissjóð um níu til ellefu milljarða en að meðtöldum skatttalækkunum þessa árs verður ríkissjóður af 16 milljörðum.

Tollar á fatnað og skó verða afnumdir um næstu áramót og gripið verður til ýmissra vinnumarkaðsaðgerða og í tengslum við kjör öryrkja.

Af einstökum aðgerðum munar mest um áform um byggingu 2.300 íbúða í samvinu við Reykjavíkurborg og nokkur sveitarfélög ásamt aðilum vinnumarkaðrins.  En ekki hafa náðst samningar um slíkar aðgerðir frá því samið var um uppbygginguna í Breiðholti.

„Ég held að það sé óhætt að fullyrða hér að við höfum ekki tekið jafn stór skref sem tengjast uppbyggingu félagslegs húsnæðiskerfis hér á Íslandi í í 50 ár. Þá var farið í mikið átak. Við erum að gera enn betur núna,“ sagði Eygló Harðardóttir félagsmálaráðherra.

En byggðar verða um 600 íbúðir á ári í fjögur ár frá og með næsta ári í samstarfi við sveitarfélög og aðila vinnumarkaðrins. Þá verður ungu fólki auðveldað að kaupa sína fyrstu íbúð með skattfrelsi sparnaðar.

Sigmundur Davíð Gunnlaugsson forsætisráðherra segir kjarasamningana og aðgerðir ríkisstjórnarinnar vinna vel saman. Samningarnir styrki stöðu fólks með lægstu launin og það geri aðgerðir ríkisstjórnarinnar líka en komi jafnframt millitekjufólki til góða.

„Við skulum segja að það sé verið að tefla á tæpasta vað varðandi verðbólguþrýsting með þessu. En ef okkur unast að auka verðmætasköpun í landinu sem allar forsendur eru að skapast fyrir á þetta ekki að þurfa að raska efnahagslegum stöðugleika verulega og þessar launahækaknir eiga að getað skilað sér að langmestu leyti í auknum kaupmætti,“ segir Sigmundur Davíð.

„Ég tek undir með forsætisráðherra þegar hann segir að ljóst sé að verið sé að gera samninga sem munu setja aukinn verðbólguþrýsting á kerfið. En þó verð ég að segja að þetta er í raun og veru mild lending miðað við það sem manni sýndist stefna í lengi framan af,“ segir Bjarni Benediktsson fjármálaráðherra.