Einn handtekinn vegna árásarinnar í San Bernardino

Einn hefur verið handtekinn í tengslum við árásina í San Bernardino fyrr í mánuðinum, þar sem hjónin Syed Farook og Tashfeen Malik skutu fjórtán manns til bana. Maðurinn, Enrique Marquez, er sagður vinur hjónanna en á heimili hans fundust sambærileg skotvopn og notuð voru í árásunum.

Árásin, sem er sú mannskæðasta í Bandaríkjunum frá árinu 2012, var gerð á jólaveislu sem haldin var í þjónustumiðstöð fatlaðra í borginni. Að atlögu lokinni flúði parið vettvang en var svo skotið til bana af lögreglu.