Íslensk Snapchat-stjarna fékk kærustuna til að skeina sér með stöðumælasekt

„Ég er að vinna jóladagatal á Snapchat þar sem ég teikna glugga fyrir hvern dag og leyfi svo fyndnu myndbandi að fylgja með,“ segir Aron Már Ólafsson, 22 ára nemi á leikarabraut við Listaháskóla Íslands, en hann er orðinn nokkuð þekkt Snapchat-stjarna hér á landi.

Aron leggur mikið upp úr því að gera fyndna og skemmtilega sketsa á þessum vettvangi.

„Ég búinn að vera að vinna með nýtt efni þar sem ég leik ,flautuleikara í lögum hjá Justin Bieber, sem hefur vakið mikla lukku hjá fylgjendum mínum.“

Sjá einnig: Aron er ein helsta vonarstjarna Íslendinga á Snapchat: Kærastan skotmarkið

Aron er einnig mikið í því að stríða kærustu sinni en á dögunum fékk hann hana til að skeina sér með stöðumælasekt.

„Ég vil halda strúktúrnum í snöppunum mínum þannig að ég reyni eftir bestu getu að gera þau sem skemmtilegust. Því er ég alltaf að koma upp með nýjar hugmyndir til að ná skotunum sem bestum þá er ég að tala um að reyna að finna fagurfræðina í skotunum og hvernig ég get framkallað meiri hlátur.“

Hann segir miðilinn vera ótrúlega skemmtilegan og góðan stökkpall fyrir leiklistarnema eins og hann. Notendanafn hans er„Aronmola“ á Snapchat.

Hér að neðan má sjá tvö myndbönd frá honum. Annarsvegar þegar hann fær kærustu sína til að skeina sér með stöðumælasekt og hinsvegar þegar hann leikur flautuleikara úr Justin Bieber lögum.