Björgvin Páll var svona góður í gær | Myndband

Björgvin Páll Gústavsson átti frábæran leik í gær þegar íslenska karlalandsliðið í handbolta vann 28-27 sigur á Norðmönnum á æfingamótinu í Osló.

Björgvin Páll varði meðal annars sjö af síðustu níu skotunum sem komu á hann og þann kafla vann íslenska liðið 7-2 og tryggði sér eins marks endurkomusigur.

Björgvin Páll varði alls 24 skot í leiknum þar af tvö víti. Hann var með með 47 prósent markvörslu þar af var hann með 54 prósent markvörslu í seinni hálfleiknum.

Björgvin Páll var ánægður með sig (og mátti líka vera það) og hann hefur sett markvörslur sínar í leiknum inn á Youtube.

Næsti leikur íslenska landsliðsins á mótinu er á móti heims-, Evrópu- og Ólympíumeisturum Frakka á morgun.  Lokaleikurinn er síðan við lærisveina Guðmundar Guðmundssonar í danska landsliðinu á sunnudagskvöldið.

Hér fyrir neðan má sjá íslenska víkinginn í ham í leiknum á móti Noregi í gærkvöldi.