Allar 193 Bondgræjurnar í einu myndbandi

Hver man ekki eftir bílnum sem breyttist í kafbát, eldflaugadrifna mótorhjólinu og regnhlífaspjótinu?

Einhver Bondóður netverji með nægan frítíma tók sig til og klippti saman meðfylgjandi myndband þar sem sjá má öll þau 193 tól og tæki sem njósnari hennar hátignar hefur nýtt sér í baráttu sinni við illmenni.

Þar kennir ýmissa grasa enda hefur Bond oftar en ekki þurft að reiða sig á útsjónarsemi hins eitursnjalla Q í þeim 23 kvikmyndum sem gerðar hafa verið um kappann.

Myndbandið, sem er um 16 mínútur að lengd, má sjá hér að neðan en enginn alvöru aðdáandi njósnarans ætti að láta það fram hjá sér fara.