Þegar Lars neyddist til að reka Zlatan Kjartan Atli Kjartansson skrifar 10. september 2015 09:00 Lars Lagerbäck landsliðsþjálfari. Lars Lagerbäck hefur þjálfað margar stjörnur í gegnum tíðina. Til dæmis þjálfaði hann einn þekktasta knattspyrnumann Svía, Freddie Ljungberg, upp öll yngri landsliðin og í A-landsliðinu. Lars þjálfaði einnig sænsku ofurstjörnuna Zlatan Ibrahimovic. Þeir áttu í fínu sambandi og talast ennþá við. „Við tölum minna saman en áður. Undanfarið ár eða svo höfum við sent nokkur SMS á hvor annan.“ Zlatan hefur það orð á sér að vera nokkuð erfiður í samskiptum, en Lars segir það ekki hafa verið vandamál að þjálfa hann. „Það var í raun nokkuð auðvelt. Hann er auðvitað einstakur karakter. Sko, þegar ég byrjaði að þjálfa trúði ég því algjörlega að maður ætti að koma eins fram við alla leikmenn. En það breyttist fljótt og ég lærði að maður þarf að meta alla leikmenn á sömu forsendum. Ég þurfti ekki að koma öðruvísi fram við Zlatan vegna þess að hann er þessi stjarna sem hann er, heldur vegna þess hvernig persónuleiki hann er og vegna þess hver bakgrunnur hans var.“ Fyrstu ár Lars sem landsliðsþjálfara var Zlatan ekki ein af stjörnum liðsins. „Hann er ótrúlegur karakter og vill alltaf vera sá besti. Hann lagði mikið á sig og varð hægt og rólega bestur.“ Lars rifjar upp sögu frá því þegar hann þurfti að reka Zlatan tímabundið úr liðinu, fyrir að brjóta eina af þeim fáu reglum sem Lars og þjálfarateymið settu liðinu. „Leikmenn áttu ekki að fara út þetta kvöld, þeir áttu að vera inni á hótelinu frá kvöldverði fram að morgunmat daginn eftir. Zlatan fór út ásamt tveimur öðrum leikmönnum. Klukkan sex morguninn eftir hringdi ritari sænska knattspyrnusambandsins í mig og tjáði mér að eitt af dagblöðunum væri með myndir af þremur leikmönnum úti á lífinu. Þarna þurfti að taka ákvörðun. Við ákváðum að senda þá heim.“Lars þjálfaði Zlatan sem hann segir vera ótrúlegan karakter.Lars segist hafa haldið að eftir þetta myndi hann alltaf verða óvinurinn í augum Zlatans. Lars kallaði Zlatan á fund til sín og útskýrði ákvörðunina fyrir honum. „Hann sagði eiginlega ekkert við mig á móti. Enginn af þessum þremur leikmönnum var sáttur. Þeir sögðust hafa haldið að þeir myndu frekar fá sekt, en ég hef ekki trú á þannig refsingu. Ég sendi þá heim og þeir misstu af þessum eina leik. Hinir tveir komu strax til baka í leikinn á eftir, en Zlatan gaf ekki kost á sér fyrr en tveimur leikjum síðar.“ Lars segir að væntanlega hafi samband Zlatans og Rolands Anderson, aðstoðarþjálfara liðsins, hjálpað til. „Roland þjálfaði Zlatan í yngri flokkunum í Malmö og var sá sem mælti með honum í aðalliðið. Zlatan hefur alltaf borið mikla virðingu fyrir Roland og það skipti örugglega sköpum í því að hann ákvað að snúa aftur í landsliðið. Zlatan sagði ekki neitt neikvætt um mig vegna málsins í fjölmiðlum. Það eina sem hann hefur sagt um málið opinberlega var í ævisögu hans. Þar sagðist hann vera ósáttur við að ég sagði okkur – þjálfarateymið – hafa tekið þá ákvörðun að senda hann heim. Zlatan vildi að ég segði að ég hefði tekið ákvörðunina. Ég veit ekki hvernig ég orðaði þetta við hann, líklega hefur hann rétt fyrir sér, en það skipti aldrei máli fyrir mig. Þetta tengist meira uppeldi Zlatans. Fyrir honum er bara einn yfirmaður, bara einn sem ræður. Honum líkar ekki við neina hópavinnu eða fundi. Hann vill bara hlusta á yfirmanninn.“ Lars segir Zlatan hafa reynst sér vel. „Mér þykir alveg afskaplega vænt um hann. Við náðum vel saman öll árin sem við unnum saman. Hann er stórkostleg manneskja. En hann hefur hliðar sem maður þarf að vinna í kringum og þarf alltaf að vera á tánum til þess að hann kaupi mann sem leiðtoga.“ Í sænska liðinu á þessum tíma voru margir þekktir leikmenn og sterkir karakterar. „Við vorum með marga sem vildu vera bestir. Mikil samkeppni ríkti í liðinu sem skapaði líka árekstra,“ segir Lars og bætir við að ekkert svoleiðis sé í íslenska landsliðinu. „Nei, þetta er allt öðruvísi. Í hvert skipti sem við hittumst á keppnisferðalögum er þetta eins og bekkur í skóla sem hittist aftur eftir sumarfrí.“ Mest lesið 50+: Þegar börnin búa enn heima hátt í þrítugt Áskorun Stjörnulífið: Laufey á Íslandi og stjörnubrúðkaup í Grikklandi Lífið Málaði loftið í lit sem minnir á skólajógúrt Lífið 90% þeirra sem upplifa hárlos meðhöndla það ekki - það er þó hægt Lífið samstarf Þegar stjórnvöld úðuðu efnum yfir almenning Lífið Umbreyta Þjóðleikhúskjallaranum í kabarettklúbbinn Kit Kat Lífið Öðruvísi líf: „Veistu Hrund, þú ert eiginlega eins og Forrest Gump“ Áskorun Trúlofuðu sig á sama stað og þau byrjuðu saman Tónlist Barnahátíðin Kátt snýr aftur Lífið Eitt lag með eiginmanninum varð að vínylplötu Lífið Fleiri fréttir Ævintýralegt brúðkaup Sverris Inga og Hrefnu Barnahátíðin Kátt snýr aftur Stjörnulífið: Laufey á Íslandi og stjörnubrúðkaup í Grikklandi Þegar stjórnvöld úðuðu efnum yfir almenning Málaði loftið í lit sem minnir á skólajógúrt Umbreyta Þjóðleikhúskjallaranum í kabarettklúbbinn Kit Kat „Þetta er bara það sem mig hefur langað alla ævi“ Krakkatían: Leðurblökumaðurinn, Elli Egils og 17. júní Eitt lag með eiginmanninum varð að vínylplötu „Eini maðurinn sem er bókaður í golf undir dauðahótunum“ Íslensk áhöfn tekur þátt í endurvakningu Pan Am Þingkonur hlutu blessun Leós páfa Bregðast við bakslagi með Hinsegin Hrísey Fréttatía vikunnar: Fálkaorður, friðlýsing og húðflúr Myndaveisla: Þær voru fjallkonur um land allt í ár Færa Vestur-Íslendingum rausnarlega afmælisgjöf Kemst ekki inn í landið og Hafdís þarf að bíða Matreiðslubókin hlaut eftirsótt alþjóðleg verðlaun Aðstandendur Secret Solstice standa að nýrri hátíð sem hefst með almyrkvanum Einlæg skellibjalla sem stefnir á stóra sviðið Gerðu sumarfríið að heitasta ástarævintýri ársins Eftirrétturinn sem Espresso Martini-aðdáendur elska Katrín Odds og Þorgerður eignuðust sólardreng Ragga Gísla og Hipsumhaps á Innipúkanum sem færir sig um set Væb fara í tónleikaferð um Evrópu Unnur Birna og Pétur keyptu einbýlishús í Garðabæ „Þetta var eins og draumur sem ætlaði aldrei að taka enda“ „Þegar ég hitti þá fyrst pissaði ég á mig“ Í hennar anda að vera ein slakasta brúður sögunnar „Fullkomin viðbót“ hjá Selmu og Sölva Sjá meira
Lars Lagerbäck hefur þjálfað margar stjörnur í gegnum tíðina. Til dæmis þjálfaði hann einn þekktasta knattspyrnumann Svía, Freddie Ljungberg, upp öll yngri landsliðin og í A-landsliðinu. Lars þjálfaði einnig sænsku ofurstjörnuna Zlatan Ibrahimovic. Þeir áttu í fínu sambandi og talast ennþá við. „Við tölum minna saman en áður. Undanfarið ár eða svo höfum við sent nokkur SMS á hvor annan.“ Zlatan hefur það orð á sér að vera nokkuð erfiður í samskiptum, en Lars segir það ekki hafa verið vandamál að þjálfa hann. „Það var í raun nokkuð auðvelt. Hann er auðvitað einstakur karakter. Sko, þegar ég byrjaði að þjálfa trúði ég því algjörlega að maður ætti að koma eins fram við alla leikmenn. En það breyttist fljótt og ég lærði að maður þarf að meta alla leikmenn á sömu forsendum. Ég þurfti ekki að koma öðruvísi fram við Zlatan vegna þess að hann er þessi stjarna sem hann er, heldur vegna þess hvernig persónuleiki hann er og vegna þess hver bakgrunnur hans var.“ Fyrstu ár Lars sem landsliðsþjálfara var Zlatan ekki ein af stjörnum liðsins. „Hann er ótrúlegur karakter og vill alltaf vera sá besti. Hann lagði mikið á sig og varð hægt og rólega bestur.“ Lars rifjar upp sögu frá því þegar hann þurfti að reka Zlatan tímabundið úr liðinu, fyrir að brjóta eina af þeim fáu reglum sem Lars og þjálfarateymið settu liðinu. „Leikmenn áttu ekki að fara út þetta kvöld, þeir áttu að vera inni á hótelinu frá kvöldverði fram að morgunmat daginn eftir. Zlatan fór út ásamt tveimur öðrum leikmönnum. Klukkan sex morguninn eftir hringdi ritari sænska knattspyrnusambandsins í mig og tjáði mér að eitt af dagblöðunum væri með myndir af þremur leikmönnum úti á lífinu. Þarna þurfti að taka ákvörðun. Við ákváðum að senda þá heim.“Lars þjálfaði Zlatan sem hann segir vera ótrúlegan karakter.Lars segist hafa haldið að eftir þetta myndi hann alltaf verða óvinurinn í augum Zlatans. Lars kallaði Zlatan á fund til sín og útskýrði ákvörðunina fyrir honum. „Hann sagði eiginlega ekkert við mig á móti. Enginn af þessum þremur leikmönnum var sáttur. Þeir sögðust hafa haldið að þeir myndu frekar fá sekt, en ég hef ekki trú á þannig refsingu. Ég sendi þá heim og þeir misstu af þessum eina leik. Hinir tveir komu strax til baka í leikinn á eftir, en Zlatan gaf ekki kost á sér fyrr en tveimur leikjum síðar.“ Lars segir að væntanlega hafi samband Zlatans og Rolands Anderson, aðstoðarþjálfara liðsins, hjálpað til. „Roland þjálfaði Zlatan í yngri flokkunum í Malmö og var sá sem mælti með honum í aðalliðið. Zlatan hefur alltaf borið mikla virðingu fyrir Roland og það skipti örugglega sköpum í því að hann ákvað að snúa aftur í landsliðið. Zlatan sagði ekki neitt neikvætt um mig vegna málsins í fjölmiðlum. Það eina sem hann hefur sagt um málið opinberlega var í ævisögu hans. Þar sagðist hann vera ósáttur við að ég sagði okkur – þjálfarateymið – hafa tekið þá ákvörðun að senda hann heim. Zlatan vildi að ég segði að ég hefði tekið ákvörðunina. Ég veit ekki hvernig ég orðaði þetta við hann, líklega hefur hann rétt fyrir sér, en það skipti aldrei máli fyrir mig. Þetta tengist meira uppeldi Zlatans. Fyrir honum er bara einn yfirmaður, bara einn sem ræður. Honum líkar ekki við neina hópavinnu eða fundi. Hann vill bara hlusta á yfirmanninn.“ Lars segir Zlatan hafa reynst sér vel. „Mér þykir alveg afskaplega vænt um hann. Við náðum vel saman öll árin sem við unnum saman. Hann er stórkostleg manneskja. En hann hefur hliðar sem maður þarf að vinna í kringum og þarf alltaf að vera á tánum til þess að hann kaupi mann sem leiðtoga.“ Í sænska liðinu á þessum tíma voru margir þekktir leikmenn og sterkir karakterar. „Við vorum með marga sem vildu vera bestir. Mikil samkeppni ríkti í liðinu sem skapaði líka árekstra,“ segir Lars og bætir við að ekkert svoleiðis sé í íslenska landsliðinu. „Nei, þetta er allt öðruvísi. Í hvert skipti sem við hittumst á keppnisferðalögum er þetta eins og bekkur í skóla sem hittist aftur eftir sumarfrí.“
Mest lesið 50+: Þegar börnin búa enn heima hátt í þrítugt Áskorun Stjörnulífið: Laufey á Íslandi og stjörnubrúðkaup í Grikklandi Lífið Málaði loftið í lit sem minnir á skólajógúrt Lífið 90% þeirra sem upplifa hárlos meðhöndla það ekki - það er þó hægt Lífið samstarf Þegar stjórnvöld úðuðu efnum yfir almenning Lífið Umbreyta Þjóðleikhúskjallaranum í kabarettklúbbinn Kit Kat Lífið Öðruvísi líf: „Veistu Hrund, þú ert eiginlega eins og Forrest Gump“ Áskorun Trúlofuðu sig á sama stað og þau byrjuðu saman Tónlist Barnahátíðin Kátt snýr aftur Lífið Eitt lag með eiginmanninum varð að vínylplötu Lífið Fleiri fréttir Ævintýralegt brúðkaup Sverris Inga og Hrefnu Barnahátíðin Kátt snýr aftur Stjörnulífið: Laufey á Íslandi og stjörnubrúðkaup í Grikklandi Þegar stjórnvöld úðuðu efnum yfir almenning Málaði loftið í lit sem minnir á skólajógúrt Umbreyta Þjóðleikhúskjallaranum í kabarettklúbbinn Kit Kat „Þetta er bara það sem mig hefur langað alla ævi“ Krakkatían: Leðurblökumaðurinn, Elli Egils og 17. júní Eitt lag með eiginmanninum varð að vínylplötu „Eini maðurinn sem er bókaður í golf undir dauðahótunum“ Íslensk áhöfn tekur þátt í endurvakningu Pan Am Þingkonur hlutu blessun Leós páfa Bregðast við bakslagi með Hinsegin Hrísey Fréttatía vikunnar: Fálkaorður, friðlýsing og húðflúr Myndaveisla: Þær voru fjallkonur um land allt í ár Færa Vestur-Íslendingum rausnarlega afmælisgjöf Kemst ekki inn í landið og Hafdís þarf að bíða Matreiðslubókin hlaut eftirsótt alþjóðleg verðlaun Aðstandendur Secret Solstice standa að nýrri hátíð sem hefst með almyrkvanum Einlæg skellibjalla sem stefnir á stóra sviðið Gerðu sumarfríið að heitasta ástarævintýri ársins Eftirrétturinn sem Espresso Martini-aðdáendur elska Katrín Odds og Þorgerður eignuðust sólardreng Ragga Gísla og Hipsumhaps á Innipúkanum sem færir sig um set Væb fara í tónleikaferð um Evrópu Unnur Birna og Pétur keyptu einbýlishús í Garðabæ „Þetta var eins og draumur sem ætlaði aldrei að taka enda“ „Þegar ég hitti þá fyrst pissaði ég á mig“ Í hennar anda að vera ein slakasta brúður sögunnar „Fullkomin viðbót“ hjá Selmu og Sölva Sjá meira