Drake og Serena Williams hugsanlega nýtt par

Nú greina erlendir miðlar vestanhafs frá því að rapparinn Drake og tenniskonan Serena Williams séu nýtt par.

Til þeirra sást á veitingarhúsi í Cincinnati á sunnudagskvöldið. Slúðurmiðillinn TMZ greinir frá þessu en myndir náðust af þeim og virtust þau vera nokkuð samrýmd.

Drake var mættur á tennismót á Cincinnati í gær og sá Williams vinna mótið. Þau voru síðan mætt saman út að borða um kvöldið.

Þetta nýja par var með einkaherbergi á veitingarstaðnum og gátu víst ekki sleppt tökunum á hvort öðru. Sjónvarvottar sáu þau einnig kyssast nokkuð reglulega.