Heimsleikarnir í CrossFit: Íslendingarnir stóðu sig vel í steikjandi hita

„Ég var þokkalega góð eftir gærdaginn en dagurinn í dag verður erfiður eins og allir hinir dagarnir hafa verið,“ segir Ragnheiður Sara Sigmundsdóttir, sem er efst í kvennaflokki á Heimsleikunum í CrossFit eftir tvo fyrstu keppnisdagana. Hún átti frábæran dag í gær og bar til að mynda sigur úr bítum í síðustu grein dagsins.

„Ég var mjög sátt með árangurinn í Murph [fyrstu grein gærdagsins] en stefnan var sett á að vera í topp tíu,“ segir hún. „Ég fann vel fyrir hitanum í þeirri æfingu. Upphífingarnar byrjuðu hægt en svo gekk mjög vel í armbeygjunum og ég náði að saxa helling á hinar stelpurnar þar.“

Þriðji keppnisdagur er í dag og segist Ragnheiður Sara þegar farin að einblína á næstu keppnisgreinar.

Bein útsending: Dagur þrjú á Heimsleikunum í CrossFit

Björgvin Karl Guðmundsson stendur sömuleiðis vel að vígi fyrir daginn í dag. Hann er í fjórða sæti í karlaflokki en í gær sigraði hann í Murph-greininni svokölluðu.

„Mér leið hrikalega vel í sjónum og jafnvægislega séð á brettinu,“ segir Björgvin. „Það vissi enginn fyrirfram hverjir væru að fara að vera góðir á brettunum nema Ástralarnir, sem eru þekktir fyrir reynslu af brimbrettum. Persónulega hef ég lagt nokkuð mikið í sundæfingar síðastliðið ár og skilaði það sér mjög vel í dag.“

Katrín Tanja Davíðsdóttir fylgir fast á hæla Ragnheiðar Söru, hún er í þriðja sæti í kvennaflokki og átti sömuleiðis mjög góðan dag í gær. Hún segir þó að henni hafi ekki liðið vel í Murph-greininni undir hinni sterku Kalíforníu-sól, en hitinn í gær reyndist mörgum keppendum mjög erfiður.

„Í rauninni hef ég aldrei séð neina grein fara jafn illa með jafn marga,“ segir Katrín. „Ég heyrði að sjúkratjaldið hafi verið stútfullt eftir þetta. Svo ég get ekki verið annað en ánægð með hvernig gekk þó það hafi verið rosalega heitt og svimi á köflum.“

Annie Mist Þórisdóttir lenti í miklum vandræðum í Murph vegna hitans og lýsir vonbrigðum sínum á Instagram-síðu sinni. Hún situr í áttunda sæti fyrir daginn í dag.

Murph went so far away from what I hoped for - I have never experienced anything like this before... I completely over heated and lost a lot of fluid. That final mile is the longest mile I have done. I was really scared that I would have to withdraw I gave it everything I had until he time cap hit me - at that moment I had difficulty standing and my vision was blurred. The medical staff on site brought me in and made sure I was healthy enough to continue in the competition. 1,5h and 2,5L of saline solution later I was standing on the floor to do the snatch ladder. I want to thank the medical staff for being amazing, the crowd for cheering me on and my coach @jamitikkanen, my boyfriend @frederikaegidius and @activebacks for helping me through the day.

A photo posted by Annie Thorisdottir (@anniethorisdottir) on Jul 24, 2015 at 9:08pm PDT