Sead Gavranovic látinn fara frá ÍBV

Sead Gavranovic, danskur framherji í liði ÍBV í Pepsi-deild karla í fótbolta, hefur verið látinn fara frá félaginu.

Samningi hans við félagið var rift í dag, en þetta kemur fram í fréttatilkynningu frá Eyjamönnum.

Gavranovic kom frá Danska C-deildarliðinu Jammerbrugt fyrir tímabilið en kom aðeins einu sinni við sögu með ÍBV í deildinni.

Hann kom inn á sem varamaður í leik gegn KR í fimmtu umferð Pepsi-deildarinnar, en Gavranovic var aðeins tvisvar sinnum í leikmannahópnum.