Í beinni aftur í tímann: Horfðu á útgáfutónleika Sigurrósar frá árinu 1999

Sigurrós er löngu orðin ein frægasta hljómsveit okkar Íslendinga í heiminum og á sveitin fjölmarga aðdáendur.

Árið 1999 kom út platan Ágætis byrjun og sló hún rækilega í gegn, bæði hér á landi sem og út í heimi.

Klukkan 21 í kvöld verður 16 ára gömlum útgáfutónleikum Sigurrósar streymt hér á þessari síðu en þeir fóru fram í Íslensku Óperunni. Þeir voru haldnir fyrir akkúrat 16 árum í dag og þá einnig klukkan 21.

Ágætis byrjun var önnur breiðskífa hljómsveitarinnar en samt sem áður plata sem kom þeim á kortið.