Forstjórar flaka til góðs

Starfsmenn Nýherja, TM Software, Applicon og Tempo fögnuðu sumri með sjóðheitu sumarpartýi með viðskiptavinum í Hvalasafninu í síðustu viku.

Einn af hápunktum kvöldsins var þegar forsvarsmenn nokkurra viðskiptavina samstæðunnar kepptu í fiskflökun í góðgerðarskyni. 

HB Grandi lagði til forláta karfa og fengu keppendur hraðkennslu í réttum handtökum hjá gæðastjóra fyrirtækisins.

Forstjórarnir þóttu bera sig faglega að í karfaflökuninni, og eins og sjá má á meðfylgjandi myndum var keppnin hörð.

Það var Viðar Þorkelsson forstjóri Valitor sem sigraði að lokum og ánafnaði Ljósinu verðlaunaféð, 350.000 kr, en vinnuveitendur þátttakenda lögðu til 50.000 kr. hvert.