Umfjöllun, viðtöl, einkunnir og myndir: KR - ÍA 1-1 | Skagamenn náðu í stig Stefán Árni Pálsson skrifar 15. júní 2015 13:45 Árni Snær Ólafsson er á undan Sören Fredriksen í boltann. Vísir/vilhelm KR-ingar náðu aðeins í stig gegn Skagamönnum í 8. umferð Pepsi-deildar karla í kvöld en leikurinn fór 1-1 í Vesturbænum. Ásgeir Marteinsson gerði mark Skagamanna en Almarr Ormarsson mark KR. Leikurinn hófst nokkuð rólega og bæði lið lengi í gang. KR-ingar voru meira með boltann en Skagamenn ætluðu greinilega að beita skyndisóknum. Aftasta línu KR virkaði óörugg og þar fór fremstur í flokki Stefán Logi Magnússon í markinu. Hann gerði ítrekuð mistök í fyrri hálfleiknum og maður fékk á tilfinninguna að hann væri að smita út frá sér óöryggi. Liðin voru bæði í vandræðum með að skapa sér færi en það voru samt þeir gulu sem skoruðu fyrsta mark leiksins. Það kom einni mínútu fyrir lok fyrri hálfleiksins en þá skallaði Ásgeir Marteinsson boltann laglega í netið eftir stórkostlega fyrirgjöf frá Ólafi Val Valdimarssyni. Staðan var því 0-1 í hálfleik. KR-ingar voru mikið mun betri í síðari hálfleiknum en þeim fyrri. Þeir byrjuðu strax á mikilli pressu á Skagamarkið og eins og leikurinn þróaðist þá var jöfnunarmarkið bara í loftinu. Það kom eftir rúmlega klukkutíma leik þegar Almarr Ormarsson náði að þvinga boltann í netið með mjöðminni eftir mikinn darraðardans inn í vítateig Skagamanna. Bæði lið fengu sín færi út leikinn og gátu bæði stolið sigrinum. Lokamínúturnar voru ótrúlegar og fengu leikmenn beggja liða frábær færi en inn vildi boltinn ekki. Stefán Logi Magnússon, markvörður KR, varði stórkostlega undir lok leiksins en þá átti Jón Vilhelm Ákason aukaspyrnu sem stefndi í vinkilinn. Niðurstaðan 1-1 jafntefli og KR-ingar hafa aðeins fengið eitt stig í síðustu tveimur umferðum. Gunnlaugur: Hefðum átt að klára þetta undir lokinGunnlaugur Jónsson í kvöld.Vísir/vilhelm„Við vorum ógnandi og sköpum okkur fín færi í þessum leik,“ segir Gunnlaugur Jónsson, þjálfari ÍA, eftir leikinn. „Að mínu viti áttum við að skora fleiri mörk í dag. Við erum bara að berjast fyrir lífi okkar í þessari deild og staðan fyrir þennan leik var bara ekki glæsileg. Við ætluðum bara að koma inn í þennan leik óhræddir, gefum þeim alvöru leik og svo varð raunin.“ Gunnlaugur segir að Skagamenn hefðu hæglega getað skorað annað mark í fyrri hálfleiknum. „Þeir fengu sín færi í leiknum en ég er ánægður með að strákarnir gáfust aldrei upp. Við fengum síðan fullt af færum undir lokin og hefðum alveg getað stolið þessum sigri.“ Bjarni: Verðum í vandræðum ef við spilum svonaBjarni Guðjónsson var fjörugur á hliðarlínunni í kvöld.vísir/vilhelm„Þetta er ekki gott, hér viljum við vinna alla leiki,“ segir Bjarni Guðjónsson, þjálfari KR, eftir leikinn. „Við vorum slakir í fyrri hálfleik og bætum vel úr því í þeim síðari. Þá fengum við helling af færum til þess að gera útum leikinn.“ Ræðan sem Bjarni gaf leikmönnum sínum í hálfleiknum snérist um að fá meiri kraft í leikinn og halda boltanum lengur innan liðsins. „Við viljum spila alvöru fótbolta og það gekk stóran hluta í seinni hálfleik. Við fengum nokkuð mörg færi, markmaðurinn varði nokkrum sinnum vel frá okkur.“ Bjarni segir að ef liðið ætli sér að spila svona í sumar þá verði það í vandræðum. „Við höfum aftur á móti vopnin til þess að bregðast við og laga þetta, breyta þessu og hafa hlutina í lagi.“ Jón Vilhelm: Ég ætlaði bara að vippa yfir Stefán LogaJón Vilhelm fyrr í sumar.„Verður maður ekki að vera sáttur með eitt stig á þessum velli,“ segir Jón Vilhelm Ákason, eftir leikinn. „Við hefðum klárlega getað klúðrað þessu í restina þegar við fengum þrjú til fjögur góð færi,“ segir Jón sem misnotaði fínt færi undir lokin þegar hann var kominn einn í gegn. Þá ætlaði hann að vippa yfir hinn hávaxna Stefán Loga í marki KR. „Já, ég hefði hugsað mér að gera það. Hann bara skoppaði nokkuð illa fyrir framan mig í þetta sinn.“ Jón setti síðan boltann alveg við vinkilinn nokkrum sekúndum fyrir leikslok en aftur varði Stefán Logi. „Hann gerði það gríðarlega vel í markinu en við fengum nokkur færi í kjölfarið og hefðum alveg getað stolið þessum leik. Það eru töluverð batamerki á okkar leik og í síðustu tveimur leikjum höfum við verið að berjast miklu meira.“ Almarr: Ég mjaðmaði boltann í netiðAlmarr í leik með KR.„Þetta eru klárlega tvö töpuð stig fyrir okkur, við ætluðum að ná í þau öll,“ segir Almarr Ormarsson, markaskorari KR, eftir leikinn. „Við vorum ekki góðir í fyrri hálfleik og fengið heldur betur að heyra það í hálfleik. Við bættum okkar leik mikið í þeim síðari og áttum að koma boltanum oftar inn.“ Almarr skoraði eina mark KR í leiknum. Fáir sáum í raun hver skoraði markið. „Skari sparkaði boltanum inn í teig og mér tókst einhvern veginn að mjaðma hann inn. Ekki fallegasta markið, en þau telja öll jafn mikið.“vísir/vilhelm Pepsi Max-deild karla Mest lesið Kolbeinn er WBF heimsmeistari Sport „Draumar rætast“ Fótbolti Fékk draum sinn uppfylltan og heiðraði minningu látinnar dóttur sinnar Fótbolti Stúkan: „Bera virðingu fyrir leiknum og andstæðingnum“ Íslenski boltinn Benedikt hættur með Tindastól Körfubolti Enrique hluti af fámennum hópi ótrúlegra sigurvegara Fótbolti Ísak í einkaflugi út að semja við erkifjendurna Fótbolti PSG verðskuldaður sigurvegari Meistaradeildar Evrópu Fótbolti Féll næstum því í Harvard vegna höfuðverkjanna Fótbolti Walker í vandræðum og verður ekki áfram hjá City Enski boltinn Fleiri fréttir Stúkan: „Bera virðingu fyrir leiknum og andstæðingnum“ Njarðvík og ÍR upp í efstu sætin í Lengjudeildinni Bindur vonir við nýja manninn: „Ekki með svona leikmann í liðinu í dag“ KR-ingar alveg týndir: „Bara eins og þegar ég er einn heima“ Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ Uppgjörið: Afturelding - Valur 0-2 | Engin vandræði á Val í Mosfellsbæ Uppgjörið: Fram - KA 1-2 | Færeyingurinn hetjan í Úlfarsárdal Uppgjörið: ÍBV - FH 2-1 | Dramatískt sigurmark í Eyjum Uppgjörið: Vestri - Víkingur | Víkingur vann toppslaginn fyrir vestan Þeir bestu (1. sæti): Afrekaði allt KR kaupir ungan og efnilegan leikmann Njarðvíkur „Við sjáum okkur ekki sem körfuboltinn á móti fótboltanum“ Þeir bestu (2. sæti): Hæglæti en heljarinnar ferill Návígi með Gulla Jóns: Aukaefni úr A&B og meira til „Ég set spurningarmerki við þennan tímapunkt“ Damir þakkar fyrir sig eftir stutta dvöl í Asíu Þeir bestu (3. sæti): Sannkallaður Benjamin Button Bestu kaupin, nýyrði í boltanum og hver verður markakóngur? Þróttur geti klárlega landað titlinum: „Mér finnst þetta stórkostlegt lið“ Hreifst af Stíg: „Finnst þarna komið þetta Víkings-element“ Þeir bestu (4. sæti): Sigurvegarinn „Uppleggið hjá Rúnari fannst mér heppnast fullkomlega“ Sjá meira
KR-ingar náðu aðeins í stig gegn Skagamönnum í 8. umferð Pepsi-deildar karla í kvöld en leikurinn fór 1-1 í Vesturbænum. Ásgeir Marteinsson gerði mark Skagamanna en Almarr Ormarsson mark KR. Leikurinn hófst nokkuð rólega og bæði lið lengi í gang. KR-ingar voru meira með boltann en Skagamenn ætluðu greinilega að beita skyndisóknum. Aftasta línu KR virkaði óörugg og þar fór fremstur í flokki Stefán Logi Magnússon í markinu. Hann gerði ítrekuð mistök í fyrri hálfleiknum og maður fékk á tilfinninguna að hann væri að smita út frá sér óöryggi. Liðin voru bæði í vandræðum með að skapa sér færi en það voru samt þeir gulu sem skoruðu fyrsta mark leiksins. Það kom einni mínútu fyrir lok fyrri hálfleiksins en þá skallaði Ásgeir Marteinsson boltann laglega í netið eftir stórkostlega fyrirgjöf frá Ólafi Val Valdimarssyni. Staðan var því 0-1 í hálfleik. KR-ingar voru mikið mun betri í síðari hálfleiknum en þeim fyrri. Þeir byrjuðu strax á mikilli pressu á Skagamarkið og eins og leikurinn þróaðist þá var jöfnunarmarkið bara í loftinu. Það kom eftir rúmlega klukkutíma leik þegar Almarr Ormarsson náði að þvinga boltann í netið með mjöðminni eftir mikinn darraðardans inn í vítateig Skagamanna. Bæði lið fengu sín færi út leikinn og gátu bæði stolið sigrinum. Lokamínúturnar voru ótrúlegar og fengu leikmenn beggja liða frábær færi en inn vildi boltinn ekki. Stefán Logi Magnússon, markvörður KR, varði stórkostlega undir lok leiksins en þá átti Jón Vilhelm Ákason aukaspyrnu sem stefndi í vinkilinn. Niðurstaðan 1-1 jafntefli og KR-ingar hafa aðeins fengið eitt stig í síðustu tveimur umferðum. Gunnlaugur: Hefðum átt að klára þetta undir lokinGunnlaugur Jónsson í kvöld.Vísir/vilhelm„Við vorum ógnandi og sköpum okkur fín færi í þessum leik,“ segir Gunnlaugur Jónsson, þjálfari ÍA, eftir leikinn. „Að mínu viti áttum við að skora fleiri mörk í dag. Við erum bara að berjast fyrir lífi okkar í þessari deild og staðan fyrir þennan leik var bara ekki glæsileg. Við ætluðum bara að koma inn í þennan leik óhræddir, gefum þeim alvöru leik og svo varð raunin.“ Gunnlaugur segir að Skagamenn hefðu hæglega getað skorað annað mark í fyrri hálfleiknum. „Þeir fengu sín færi í leiknum en ég er ánægður með að strákarnir gáfust aldrei upp. Við fengum síðan fullt af færum undir lokin og hefðum alveg getað stolið þessum sigri.“ Bjarni: Verðum í vandræðum ef við spilum svonaBjarni Guðjónsson var fjörugur á hliðarlínunni í kvöld.vísir/vilhelm„Þetta er ekki gott, hér viljum við vinna alla leiki,“ segir Bjarni Guðjónsson, þjálfari KR, eftir leikinn. „Við vorum slakir í fyrri hálfleik og bætum vel úr því í þeim síðari. Þá fengum við helling af færum til þess að gera útum leikinn.“ Ræðan sem Bjarni gaf leikmönnum sínum í hálfleiknum snérist um að fá meiri kraft í leikinn og halda boltanum lengur innan liðsins. „Við viljum spila alvöru fótbolta og það gekk stóran hluta í seinni hálfleik. Við fengum nokkuð mörg færi, markmaðurinn varði nokkrum sinnum vel frá okkur.“ Bjarni segir að ef liðið ætli sér að spila svona í sumar þá verði það í vandræðum. „Við höfum aftur á móti vopnin til þess að bregðast við og laga þetta, breyta þessu og hafa hlutina í lagi.“ Jón Vilhelm: Ég ætlaði bara að vippa yfir Stefán LogaJón Vilhelm fyrr í sumar.„Verður maður ekki að vera sáttur með eitt stig á þessum velli,“ segir Jón Vilhelm Ákason, eftir leikinn. „Við hefðum klárlega getað klúðrað þessu í restina þegar við fengum þrjú til fjögur góð færi,“ segir Jón sem misnotaði fínt færi undir lokin þegar hann var kominn einn í gegn. Þá ætlaði hann að vippa yfir hinn hávaxna Stefán Loga í marki KR. „Já, ég hefði hugsað mér að gera það. Hann bara skoppaði nokkuð illa fyrir framan mig í þetta sinn.“ Jón setti síðan boltann alveg við vinkilinn nokkrum sekúndum fyrir leikslok en aftur varði Stefán Logi. „Hann gerði það gríðarlega vel í markinu en við fengum nokkur færi í kjölfarið og hefðum alveg getað stolið þessum leik. Það eru töluverð batamerki á okkar leik og í síðustu tveimur leikjum höfum við verið að berjast miklu meira.“ Almarr: Ég mjaðmaði boltann í netiðAlmarr í leik með KR.„Þetta eru klárlega tvö töpuð stig fyrir okkur, við ætluðum að ná í þau öll,“ segir Almarr Ormarsson, markaskorari KR, eftir leikinn. „Við vorum ekki góðir í fyrri hálfleik og fengið heldur betur að heyra það í hálfleik. Við bættum okkar leik mikið í þeim síðari og áttum að koma boltanum oftar inn.“ Almarr skoraði eina mark KR í leiknum. Fáir sáum í raun hver skoraði markið. „Skari sparkaði boltanum inn í teig og mér tókst einhvern veginn að mjaðma hann inn. Ekki fallegasta markið, en þau telja öll jafn mikið.“vísir/vilhelm
Pepsi Max-deild karla Mest lesið Kolbeinn er WBF heimsmeistari Sport „Draumar rætast“ Fótbolti Fékk draum sinn uppfylltan og heiðraði minningu látinnar dóttur sinnar Fótbolti Stúkan: „Bera virðingu fyrir leiknum og andstæðingnum“ Íslenski boltinn Benedikt hættur með Tindastól Körfubolti Enrique hluti af fámennum hópi ótrúlegra sigurvegara Fótbolti Ísak í einkaflugi út að semja við erkifjendurna Fótbolti PSG verðskuldaður sigurvegari Meistaradeildar Evrópu Fótbolti Féll næstum því í Harvard vegna höfuðverkjanna Fótbolti Walker í vandræðum og verður ekki áfram hjá City Enski boltinn Fleiri fréttir Stúkan: „Bera virðingu fyrir leiknum og andstæðingnum“ Njarðvík og ÍR upp í efstu sætin í Lengjudeildinni Bindur vonir við nýja manninn: „Ekki með svona leikmann í liðinu í dag“ KR-ingar alveg týndir: „Bara eins og þegar ég er einn heima“ Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Uppgjörið: Stjarnan - KR 4-2 | Frábær byrjun Stjörnunnar skildi KR-inga eftir í reyk „Ef menn leggja sig fram og standa sig vel þá er alltaf stutt í byrjunarliðið” „Það má ekki fagna of mikið“ Fyrrum leikmaður Liverpool að ganga í raðir Stjörnunnar Uppgjörið: Breiðablik - ÍA 1-4 | Skagamenn völtuðu yfir Blika „Fannst Víkingarnir ekki eiga skilið neitt út úr þessum leik“ „Unnum klárlega baráttuna í leiknum“ Uppgjörið: Afturelding - Valur 0-2 | Engin vandræði á Val í Mosfellsbæ Uppgjörið: Fram - KA 1-2 | Færeyingurinn hetjan í Úlfarsárdal Uppgjörið: ÍBV - FH 2-1 | Dramatískt sigurmark í Eyjum Uppgjörið: Vestri - Víkingur | Víkingur vann toppslaginn fyrir vestan Þeir bestu (1. sæti): Afrekaði allt KR kaupir ungan og efnilegan leikmann Njarðvíkur „Við sjáum okkur ekki sem körfuboltinn á móti fótboltanum“ Þeir bestu (2. sæti): Hæglæti en heljarinnar ferill Návígi með Gulla Jóns: Aukaefni úr A&B og meira til „Ég set spurningarmerki við þennan tímapunkt“ Damir þakkar fyrir sig eftir stutta dvöl í Asíu Þeir bestu (3. sæti): Sannkallaður Benjamin Button Bestu kaupin, nýyrði í boltanum og hver verður markakóngur? Þróttur geti klárlega landað titlinum: „Mér finnst þetta stórkostlegt lið“ Hreifst af Stíg: „Finnst þarna komið þetta Víkings-element“ Þeir bestu (4. sæti): Sigurvegarinn „Uppleggið hjá Rúnari fannst mér heppnast fullkomlega“ Sjá meira