Verða bara Pepsi-deildarlið í átta-liða úrslitum bikarkeppninnar?

Það er mikill bikardagur í dag en þá fara fram allir átta leikirnir í sextán liða úrslitum Borgunarbikars karla.

Þróttur R. og ÍBV mætast á Laugardalsvellinum klukkan 17.30 og í Fjarðabyggðarhöllinni mætast heimamenn og Valsmenn klukkan sex. Sex leikir hefjast svo klukkan 19.15 þar á meðal viðureign Breiðabliks og KA, sem verður í beinni útsendingu á Stöð 2 Sport.

Hinir leikirnir eru: KV-KR, Stjarnan-Fylkir, FH-Grindavík, Víkingur R.-Afturelding og Fjölnir-Víkingur Ó.

Svo gæti farið að átta Pepsi-deildarlið verði í pottinum þegar dregið verður í átta liða úrslitin á föstudaginn því það er Pepsi-deildarlið í öllum átta leikjum þar af tvö í leik Íslandsmeistara Stjörnunnar og Fylkis á samsungvellinum í Garðabæ.