Jóhanna Guðrún á von á stúlku: „Við erum bæði mjög spennt“

„Þetta er allt rosalega nýtt fyrir okkur og við erum bæði mjög spennt,“ segir söngkonan Jóhanna Guðrún Jónsdóttir en hún á von á stúlkubarni ásamt Davíð Sigurgeirssyni næsta vetur.

Jóhanna segir að parið hafi farið í tuttugu vikna sónar í gær og þá hafi komið í ljós að um stúlku væri að ræða.

„Við höfum verið að bíða með að segja frá þessu,“ segir Jóhanna. En er lítil söngkona á leiðinni í heiminn? „Já, ætli það ekki,“ segir Jóhanna og hlær.

Jóhanna Guðrún er fyrir löngu orðin þjóðþekkt söngkonan en hún hafnaði í öðru sæti í Eurovision árið 2009. Hún hefur verið í sviðsljósinu síðan hún var lítil stúlka. Nú gæti verið á leiðinni önnur barnastjarna í heiminn.

„Við erum bæði mjög spennt fyrir þessu. Við erum bæði yngsta systkinið í hópnum og höfum ekki einhvernvegin mikla reynslu í þessum málum. Þetta er bara nýtt ævintýri fyrir okkur og vitum ekkert hvernig þetta verður.“

„Nýtt ævintýri mun hefjast hjá okkur David Sigurgeirsson í október því þá munum við eignast litla Prinsessu. Við erum ótrúlega hamingjusöm og þakklát fyrir þetta litla líf og hlökkum til að hitta hana í haust,“ segir Jóhanna á Facebook.

Nýtt ævintýri mun hefjast hjá okkur David Sigurgeirsson í október því þá munum við eignast litla Prinsessu. Við erum ótr...

Posted by Jóhanna Guðrún Jónsdóttir on 2. júní 2015