Nýtt lag frá Unnsteini: „Þori varla að fara mikið út í textann“

„Þetta er fyrsta lagið af næstu smáskífu frá mér,“ segir Unnsteinn Manuel Stefánsson, en hann var að gefa út nýtt lag sem ber nafnið fuckboys/black book.

Unnsteinn hefur að undanförnu verið í hljóðveri með Reddlights og Introbeats.

„Ég þori varla að fara mikið út í textann í laginu en það fjallar nokkurn veginn um það hvernig maður fer í framtíðina og kannski smá um kaþólskt uppeldi.“

Unnsteinn mun koma fram á Secret Solstice-hátíðinni í þessum mánuði.

„Ég er síðan að fara á fullt í nýjustu plötuna frá Retro Stefson.“ Hér að neðan má hlusta á nýjasta lagið frá Unnsteini.