Einstakt einbýlishús til sölu í Vesturbænum

Fasteignasalan Eignamiðlun er með glæsilegt og mikið endurnýjað einbýlishús til sölu í Vesturbænum.

Húsið er á þremur hæðum og ris en það skiptist í tvær íbúðir í dag. Sér íbúð er í kjallara og sér íbúð sem skiptist í tvær hæðir og ris. Húsið er tæplega 240 fermetrar af stærð og byggt árið 1926. Fram kemur á fasteignavef Vísis að óskað sé eftir tilboði í eignina en fasteignamatið er tæplega sextíu milljónir.

Á 1. hæðinni eru tvær stofur sem í dag skiptast í borðstofu og setustofu, parket er á gólfi. Rúmgott eldhús með borðkrók og eyju. Glæsilegar innréttingar með hvítum, ítalsköm Carrara-marmara á borði, parket er á gólfi.

Úr anddyri á 1. hæð er gengið upp stiga á 2. hæð. Þar eru þrjú rúmgóð svefnherbergi með parketi á gólfi. Lítil ræstiherbergi með aðstöðu fyrir þvottavél. Stórt og gott baðherbergi með flísum á gólfi og veggjum. Góð hvítlökkuð innrétting með steyptri borðplötu úr Kvarz-sandi, tveir vaskar og innbyggð vola blöndunartæki. Stórt baðkar með sturtu í og innbyggðum vola blöndunartækjum. Risið er eitt opið rými og að auki baðherbergi með hornbaðkari.

Gengið er niður nokkrar tröppur í kjallara og er komið inn í anddyri. Dúkur er á gólfi í öllum kjallaranum. Úr anddyrinu á 1. hæð er stigi niður í kjallara sem er búið að loka fyrir í dag. Gömul innrétting er í eldhús. Baðherbergi skiptist upp í sér sturtuherbergi og sér herbergi með salerni.

Kjallarinn skiptist í anddyri, þrjú svefnherbergi geymslu, eldhús og baðherbergi sem er skipt í tvö rými.