Enn eitt starfsár Brúðubílsins að hefjast

Brúðubíllinn heldur brátt af stað út í sumarið en þetta verður 35. starfsár þessa útileikhúss hinna yngstu.

Brúðubílinn starfar undir stjórn Helgu Steffensen en með Helgu í för í sumar verða fjölmargar þekktar brúður eins og Lilli, Blárefurinn og Úlli úlfur, sem bæði er hrekkjóttur og stríðinn.

Í frétt á vef Reykjavíkurborgar segir að jafnan sé fjör á sýningum því börnin hjálpa til og syngja ýmis lög sem þau hafa lært með brúðunum, svo sem Öxar við ána og Nú er sumar.

Forsýning verður í Hallargarðinum 4. júní klukkan 14.00.

Sjá má dagskrá Brúðubílsins í sumar í viðhengi fréttarinnar.