Landsmönnum öllum boðið á götuhátíð Saturday Night Live í dag

Hópur á vegum Saturday Night Live er staddur hér á landi og bjóða þau til sumarhátíðar í dag. Um er að ræða skáldaða bæjarhátíð þar sem sumardeginum fyrsta er fagnað og verður fjörið tekið upp fyrir þáttinn. Veitingar og drykkir verða í boði og samkvæmt upplýsingum á Facebook verða veitt vegleg verðlaun fyrir þann einstakling sem mætir í flottasta búningnum. Búningar eru valkvæðir en þó er til mikils að vinna því hægt er að vinna hlutverk í þættinum.

Atburðurinn verður fyrir utan hótelið Kvosin, Kirkjutorgi 4.