Dóttir Guðjóns Vals valin í U17 ára landsliðið í fótbolta

Dagbjört Ína Guðjónsdóttir, dóttir Guðjóns Vals Sigurðssonar, landsliðsfyrirliða í handbolta, var valin í U17 ára landsliðið í fótbolta sem tekur þátt í undirbúningsmóti UEFA í Færeyjum 23.-26. apríl.

Dagbjört Ína spilar með unglingaliði Barcelona, en þar spilar faðir hennar með handboltaliði félagsins sem er eitt það allra besta í heiminum og hefur verið í marga áratugi.

Hún er nýorðin 16 ára gömul og skoraði sitt fyrsta mark fyrir Börsunga í fyrsta leiknum fyrir félagið með skalla.

Dagbjört Ína hefur búið í Þýskalandi, Danmörku og á Spáni síðan hún var tveggja ára gömul, en í þeim löndum hefur Guðjón Valur spilað á stórglæsilegum handboltaferli.

Íslensku telpurnar mæta Wales, Norður-Írlandi og heimamönnum á mótinu í Færeyjum, en þjálfari liðsins er Úlfar Hinriksson.

Allur hópurinn:

Kristín Dís Árnadóttir, Breiðablik

Guðrún Gyða Haralz, Breiðablik

Dagbjört Ína Guðjónsdóttir, FC Barcelona

Rannveig Bjarnadóttir, FH

Aníta Dögg Guðmundsdóttir, FH

Kolbrún Tinna Eyjólfsdóttir, Fjölnir

Katrín Mist Kristinsdóttir, Fylkir

Dröfn Einarsdóttir, Grindavík

Alexandra Jóhannsdóttir, Haukar

Margrét Árnadóttir, KA

Aníta Lind Daníelsdóttir, Keflavík

Ásdís Karen Halldórsdóttir, KR

María Sól Jakobsdóttir, Stjarnan

Harpa Karen Antonsdóttir, Valur

Hlín Eiríksdóttir, Valur

Ísold Kristín Rúnarsdóttir, Valur

Eyvör Halla Jónsdóttir, Víkingur

Telma Ívarsdóttir, Þróttur N