Gunnar Scheving sýknaður í LÖKE-málinu

Héraðsdómur Reykjavíkur hefur sýknað lögreglumanninn Gunnar Scheving Thorsteinsson af ákæru í LÖKE-málinu svokallaða, að því er Kjarninn greinir frá. Gunnar var ákærður fyrir að miðla upplýsingum sem áttu að fara leynt til þriðja aðila.

Upphaflega var Gunnar ákærður fyrir að hafa einnig flett upp nöfnum 45 kvenna í upplýsingakerfi lögreglunnar LÖKE, án þess að þær uppflettingar tengdust starfi hans.

Sá ákæruliður var hins vegar felldur niður þar sem ekki var talið sannað að Gunnar hefði gerst sekur um refsiverða háttsemi. Ekki var hægt að útiloka að uppflettingarnar í upplýsingakerfinu tengdust starfi hans.

Síðari ákæruliðurinn stóð þá eftir sem Gunnar hefur nú verið sýknaður af.

Gunnar tilkynnti vinum og vandamönnum á Facebook um niðurstöðu héraðsdóms um tíuleytið í morgun.

Post by Gunnar Scheving Thorsteinsson.