Rífandi stemning á Sónar Reykjavík í gær

Mannmergð var samankomin í gærkvöld á Sónar Reykjavík tónlistarhátíðinni. Fyrsta kvöldið af þremur fór fram í gær og var ekki annað að sjá á fólki en að það skemmti sér kongunglega. Uppselt er á hátíðina og gera aðstandendur hátíðarinnar ráð fyrir því að vel á fjórða þúsund manns skemmti sér í Hörpu.

Tónleikarnir fóru vel fram og virtust allir sammála um það að skemmta sér sem best. Á tímabili myndaðist eilítil örtröð í röðinni en það leystist farsællega á örskotsstundu.

Meðal þeirra sem fram komu í gær má nefna Una Stefsson, Sing Fang, Jón Ólafsson og Futuregrapher, M Band og Kohib. Stærsta nafnið var þá óumdeilanlega Todd Terje en Norðmaðurinn fór á kostum. Hér fyrir neðan má sjá stutt brot af því þegar hann lék lag sitt Spiral.