Jennifer Aniston tjáir sig um skilnaðinn við Brad Pitt

Leikonan Jennifer Aniston tjáði sig um skilnaðinn við leikarann Brad Pitt í viðtali við CBS. Hún hefur ekki mikið tjáð sig um skilnaðinn, en margir velta enn fyrir sér sambandi þessara tveggja stjarna sem skildu fyrir áratug.

Aniston segist ekki velta skilnaðinum mikið fyrir sér í amstri hversdagsins og segir það ekki sársaukafullt þegar hann er nefndur við hana. Hún segist vera komin á annan stað, sé nú í hamingjuríku sambandi við leikaranum Justin Theroux. Þau eru trúlofuð og segir Aniston að þau nái ótrúlega vel saman, séu jafningjar á öllum sviðum.

Um skilnaðinn við Brad Pitt hafði hún meðal annars þetta að segja: „Ég held að þetta sé eitthvað sem fylgir manni, því skilnaðurinn var fréttnæmur. En fjölmiðlar velta sér meira upp úr þessu en ég. Við Brad höfum skipst á kveðjum og þannig, en við tölumst ekki við reglulega. Ég meina, ert þú í miklu sambandi við þína fyrrverandi konu?“ spurði hún fréttamann.

Aniston gerir sér grein fyrir því að fólk muni alltaf velta fyrir sér samböndum hennar og segir hana og unnusta hennar ekki velta fyrir sér því sem skrifað sé um þau í blöðin. „Við vitum sannleikann um okkar samband og hann nægir okkur.“

Hér að neðan má sjá sjónvarpsfrétt um málið.

More ABC News Videos | ABC World News