Hjúkrunarfræðingar framtíðarinnar og A-próf Helga Jónsdóttir skrifar 20. apríl 2015 14:06 Nýverið birtist í þessu blaði pistill þar sem því var velt upp hvort ákvörðun um það hverjir verða hjúkrunarfræðingar framtíðarinnar ráðist með svokölluðu A-prófi en það er aðgangspróf fyrir háskólanám sem ætlað er að mæla almenna áunna færni við að tileinka sér flókið námsefni. Eins og kunnugt er þá hafa aðgangspróf í háskólanám með einum eða öðrum hætti verið notuð hérlendis og erlendis um árabil. Mér er sönn ánægja að upplýsa um málið og þakka áhuga á velferð hjúkrunarfræðinema og hjúkrunarfræðinga framtíðarinnar. Í Hjúkrunarfræðideild Háskóla Íslands hefur verið aðgangsstýring – numerus clausus – í BS-nám í hjúkrunarfræði um tveggja áratuga skeið. Nemendur hafa þreytt samkeppnispróf að lokinni haustönn fyrsta árs. Um 150-250 nemendur hafa hafið nám ár hvert og 70-95 nemendur hafa náð samkeppnisprófum. Brottfall úr námi er sáralítið og langflestir ljúka því á fjórum árum. Þannig hefur numerus clausus verið góður mælikvarði á það hverjum vegnar vel í hjúkrunarfræðinámi. Numerus clausus hefur samt sem áður ókosti. Ókostirnir eru m.a. þeir að tíma og fjármunum þeirra nemenda sem ekki komast í hjúkrunarfræðinám er ekki vel varið, nemendahópurinn er mjög stór og kennsluhættir og námsmat einhæft. Inntaka í nám í upphafi haustmisseris fyrsta árs, eins og ráðgerð er með upptöku A-prófs, sparar tíma þeirra sem ekki komast áfram, hjúkrunarfræði verður kennd frá fyrsta degi sem ekki var í fyrra fyrirkomulagi og kennsluhættir verða fjölbreyttari í minni nemendahópi.Góður kostur A-próf er góður kostur til að segja fyrir um hverjir eru líklegir til að farnast vel í námi í hjúkrunarfræði. Við undirbúning á upptöku A-prófs tóku nemendur á haustmisseri fyrsta árs prufu-A-próf og einkunnir þeirra voru bornar saman við árangur á numerus clausus-prófi sama misseris. Í ljós kom góð fylgni, þ.e.a.s. þeir sem fengu mörg stig á A-prófi fengu einnig háar einkunnir í numerus clausus. Einnig hefur komið í ljós að tengsl eru milli árangurs í íslensku, ensku og stærðfræði í námi til stúdentsprófs og árangurs á numerus clausus-prófi en þessar sömu námsgreinar eru mikilvægir þættir A-prófsins. Markmið og áherslur sem lagðar eru með A-prófi og numerus clausus eru í raun hliðstæð. Í þessum prófum eru engu að síður margir mikilvægir þættir ekki metnir, þar á meðal færni í samskiptum, færni í að meta og taka ákvarðanir um aðgerðir til dæmis hjá lífshættulega veikum sjúklingum og fleira. Þeir þættir eru metnir síðar í náminu þegar nemendur hafa fengið tilskilda kennslu og þjálfun og hægt er að leggja mat á raunverulega færni til starfa. Því er engin trygging fengin fyrir því að sá sem stendur sig vel á A-prófi muni útskrifast sem hjúkrunarfræðingur, en líkurnar eru góðar. Eins og áður þurfa nemendur að leggja á sig mikla vinnu og árvekni. Hjúkrunarfræðinámið er mjög fjölþætt, einkum þegar fram í sækir. Þekkingin er margvísleg; hin sértæka þekking í hjúkrunarfræði er nátengd þekkingu í líf- og heilbrigðisvísindum, hugvísindum, félagsvísindum og eiginlega flestum sviðum vísinda og byggir að miklu leyti á þeim. Fram undan eru spennandi tímar fyrir ungt fólk sem hefur áhuga á hjúkrunarfræði. Þann 12. júní nk. verður næst haldið A-próf. Fyrir þann tíma, eða þann 5. júní, er lokadagur skráningar bæði í A-prófið og nám í Hjúkrunarfræðideild. Um mánaðamótin júní-júlí nk. munu niðurstöður samanlagðs árangurs A-prófs (70%) og árangurs á stúdentsprófi í íslensku, ensku og stærðfræði (samanlagt 30%) liggja fyrir. Eftir það verður þeim 100 sem hæstu einkunn fá boðið að hefja BS-nám í hjúkrunarfræði næsta haust. Starfs- og námsmöguleikar hjúkrunarfræðinga eru einstakir. Þeir eru eftirsóttur starfskraftur víða um heim við margvísleg krefjandi og gefandi störf. Möguleikar til framhaldsnáms eru margir og eftirsóttir. Hjúkrunarfræðingar eru burðarás heilbrigðisþjónustu framtíðarinnar. Það er spennandi fyrir hvern þann sem hefur tækifæri til að vera þátttakandi í þeirri vegferð. Viltu birta grein á Vísi? Sendu okkur póst. Senda grein Mest lesið Hér er elíta, um elítu, frá elítu, til elítu Ragnar Kjartansson Skoðun Svona getum komið í veg fyrir að Katrín vinni Björn B. Björnsson Skoðun Vitundarvakning um auðlindir þjóðar Halla Hrund Logadóttir Skoðun Ef Landsvirkjun verður ekki seld vitum við hvers vegna Ögmundur Jónasson Skoðun Villir á sér heimildir Jón Steinar Gunnlaugsson Skoðun Kaldhæðni Katrínar Kristján Hreinsson Skoðun Ég kýs femínista á Bessastaði Sigríður Ingibjörg Ingadóttir Skoðun Ég vil óumdeildan forseta Guðrún Jónsdóttir Skoðun Það er einfalt að vera kosningastjóri Höllu Tómasdóttur Vigdís Jóhannsdóttir Skoðun Halla Tómasdóttir og Sólskinsdrengurinn Margrét Dagmar Ericsdóttir Skoðun Skoðun Skoðun Hvar varstu? Margrét Eymundardóttir skrifar Skoðun Verndari samfélagssáttmálans Ásdís Hanna Pálsdóttir skrifar Skoðun Ég treysti dómgreind Katrínar Eydís Aðalbjörnsdóttir skrifar Skoðun Ef Landsvirkjun verður ekki seld vitum við hvers vegna Ögmundur Jónasson skrifar Skoðun Hvern ætlar þú að kjósa? Anna Gunndís Guðmundsdóttir skrifar Skoðun Vitundarvakning um auðlindir þjóðar Halla Hrund Logadóttir skrifar Skoðun Opið bréf forsetaefna til Útvarpsstjóra Ellefu forsetaefni skrifar Skoðun Það er einfalt að vera kosningastjóri Höllu Tómasdóttur Vigdís Jóhannsdóttir skrifar Skoðun Villir á sér heimildir Jón Steinar Gunnlaugsson skrifar Skoðun Kaldhæðni Katrínar Kristján Hreinsson skrifar Skoðun Það á að kjósa með Exi Guðmunda G. Guðmundsdóttir skrifar Skoðun Það er nú bara þannig með hann Jón... Hjördís Sjafnar Ingimundardóttir skrifar Skoðun Katrínu sem forseta. Eiríkur Finnur Greipsson skrifar Skoðun Óvelkomið Evrópumet Áslaug Arna Sigurbjörnsdóttir skrifar Skoðun Flestir munu kjósa Katrínu Jakobsdóttur, beint eða óbeint, ef… Reynir Böðvarsson skrifar Skoðun Breiðar axlir og stór hjörtu Ingunn Rós Kristjánsdóttir ,Magnea Gná Jóhannsdóttir skrifar Skoðun Hér er elíta, um elítu, frá elítu, til elítu Ragnar Kjartansson skrifar Skoðun Ég kýs femínista á Bessastaði Sigríður Ingibjörg Ingadóttir skrifar Skoðun Varðmenn valdsins Sandra B. Franks skrifar Skoðun Til varnar líffjölbreytileika Álfhildur Leifsdóttir,Hólmfríður Sigþórsdóttir skrifar Skoðun Erum við að sjúkdómavæða hegðun og höfum við verið að innleiða aumingjagang inn í samfélagið okkar? Davíð Bergmann skrifar Skoðun Tækifæri til atvinnuuppbyggingar í haftengdri starfsemi Kjartan Ólafsson skrifar Skoðun Höndlum MS saman Hjördís Ýrr Skúladóttir skrifar Skoðun Forsetinn minn Eygló Egilsdóttir skrifar Skoðun Ísrael verður að hætta að drepa saklausa borgara á Gaza Guðmundur Ingi Guðbrandsson skrifar Skoðun Að kjósa með hjartanu! Ásdís Guðmundsdóttir skrifar Skoðun Heilt kjörtímabil án árangurs í loftslagsmálum Andrés Ingi Jónsson skrifar Skoðun „Nema í alveg sérstökum tilvikum“ Sigurður Örn Hilmarsson skrifar Skoðun Forseti Íslands – Katrín Jakobsdóttir Guðjón Þórir Sigfússon skrifar Skoðun Baldur er leiðtogi og mannasættir Karl Ágúst Ipsen skrifar Sjá meira
Nýverið birtist í þessu blaði pistill þar sem því var velt upp hvort ákvörðun um það hverjir verða hjúkrunarfræðingar framtíðarinnar ráðist með svokölluðu A-prófi en það er aðgangspróf fyrir háskólanám sem ætlað er að mæla almenna áunna færni við að tileinka sér flókið námsefni. Eins og kunnugt er þá hafa aðgangspróf í háskólanám með einum eða öðrum hætti verið notuð hérlendis og erlendis um árabil. Mér er sönn ánægja að upplýsa um málið og þakka áhuga á velferð hjúkrunarfræðinema og hjúkrunarfræðinga framtíðarinnar. Í Hjúkrunarfræðideild Háskóla Íslands hefur verið aðgangsstýring – numerus clausus – í BS-nám í hjúkrunarfræði um tveggja áratuga skeið. Nemendur hafa þreytt samkeppnispróf að lokinni haustönn fyrsta árs. Um 150-250 nemendur hafa hafið nám ár hvert og 70-95 nemendur hafa náð samkeppnisprófum. Brottfall úr námi er sáralítið og langflestir ljúka því á fjórum árum. Þannig hefur numerus clausus verið góður mælikvarði á það hverjum vegnar vel í hjúkrunarfræðinámi. Numerus clausus hefur samt sem áður ókosti. Ókostirnir eru m.a. þeir að tíma og fjármunum þeirra nemenda sem ekki komast í hjúkrunarfræðinám er ekki vel varið, nemendahópurinn er mjög stór og kennsluhættir og námsmat einhæft. Inntaka í nám í upphafi haustmisseris fyrsta árs, eins og ráðgerð er með upptöku A-prófs, sparar tíma þeirra sem ekki komast áfram, hjúkrunarfræði verður kennd frá fyrsta degi sem ekki var í fyrra fyrirkomulagi og kennsluhættir verða fjölbreyttari í minni nemendahópi.Góður kostur A-próf er góður kostur til að segja fyrir um hverjir eru líklegir til að farnast vel í námi í hjúkrunarfræði. Við undirbúning á upptöku A-prófs tóku nemendur á haustmisseri fyrsta árs prufu-A-próf og einkunnir þeirra voru bornar saman við árangur á numerus clausus-prófi sama misseris. Í ljós kom góð fylgni, þ.e.a.s. þeir sem fengu mörg stig á A-prófi fengu einnig háar einkunnir í numerus clausus. Einnig hefur komið í ljós að tengsl eru milli árangurs í íslensku, ensku og stærðfræði í námi til stúdentsprófs og árangurs á numerus clausus-prófi en þessar sömu námsgreinar eru mikilvægir þættir A-prófsins. Markmið og áherslur sem lagðar eru með A-prófi og numerus clausus eru í raun hliðstæð. Í þessum prófum eru engu að síður margir mikilvægir þættir ekki metnir, þar á meðal færni í samskiptum, færni í að meta og taka ákvarðanir um aðgerðir til dæmis hjá lífshættulega veikum sjúklingum og fleira. Þeir þættir eru metnir síðar í náminu þegar nemendur hafa fengið tilskilda kennslu og þjálfun og hægt er að leggja mat á raunverulega færni til starfa. Því er engin trygging fengin fyrir því að sá sem stendur sig vel á A-prófi muni útskrifast sem hjúkrunarfræðingur, en líkurnar eru góðar. Eins og áður þurfa nemendur að leggja á sig mikla vinnu og árvekni. Hjúkrunarfræðinámið er mjög fjölþætt, einkum þegar fram í sækir. Þekkingin er margvísleg; hin sértæka þekking í hjúkrunarfræði er nátengd þekkingu í líf- og heilbrigðisvísindum, hugvísindum, félagsvísindum og eiginlega flestum sviðum vísinda og byggir að miklu leyti á þeim. Fram undan eru spennandi tímar fyrir ungt fólk sem hefur áhuga á hjúkrunarfræði. Þann 12. júní nk. verður næst haldið A-próf. Fyrir þann tíma, eða þann 5. júní, er lokadagur skráningar bæði í A-prófið og nám í Hjúkrunarfræðideild. Um mánaðamótin júní-júlí nk. munu niðurstöður samanlagðs árangurs A-prófs (70%) og árangurs á stúdentsprófi í íslensku, ensku og stærðfræði (samanlagt 30%) liggja fyrir. Eftir það verður þeim 100 sem hæstu einkunn fá boðið að hefja BS-nám í hjúkrunarfræði næsta haust. Starfs- og námsmöguleikar hjúkrunarfræðinga eru einstakir. Þeir eru eftirsóttur starfskraftur víða um heim við margvísleg krefjandi og gefandi störf. Möguleikar til framhaldsnáms eru margir og eftirsóttir. Hjúkrunarfræðingar eru burðarás heilbrigðisþjónustu framtíðarinnar. Það er spennandi fyrir hvern þann sem hefur tækifæri til að vera þátttakandi í þeirri vegferð.
Skoðun Erum við að sjúkdómavæða hegðun og höfum við verið að innleiða aumingjagang inn í samfélagið okkar? Davíð Bergmann skrifar