Victoria sendi Geri kjól

Fyrrverandi kryddpían Geri Halliwell giftist Christian Horner síðastliðinn föstudag.

Vinkona hennar og fyrrverandi hljómsveitarfélagi, Victoria Beckham, komst ekki í brúðkaupið en bætti það upp með því að senda Halliwell kjól úr væntanlegri línu sinni til þess að klæðast í brúðkaupsferðinni, en Beckham hefur undanfarin ár starfað sem fatahönnuður.

Að auki sendi hún hjónunum risastóra blómaskreytingu og einlægt kort með hamingjuóskum.

Mel B var einnig boðið í brúðkaupið og átti þriggja ára dóttir hennar, Madison, að vera brúðarmær en Mel B hringdi með nokkurra klukkustunda fyrirvara og afboðaði sig vegna anna.