Jónína Ben býður Valdimar í detox

„Valdimar ég skal bjóða þér í 2 vikur til Póllands í detoxmeðferð,“ segir Jónína Ben í stöðufærslu á Facebook en hana langar að bjóða söngvaranum Valdimar Guðmundssyni í meðferð til Póllands í byrjun næsta árs eða frá 4. – 18. janúar.

Fyrr í vikunni opnaði Valdimar sig um þyngd sína og að hann verði að taka á þeim vanda ef hann ætli sér ekki að enda einn í kjallaraíbúð og deyja fyrir aldur.

Sjá einnig: „Nú verður slagurinn tekinn“

„Þar nærð þú að nústilla þig,“ segir Jónína en Valdimar þarf aðeins að greiða fyrir flug til Gdansk í Póllandi, annað verði frítt.

„Velkominn og detoxið er ekkert annað en nám og reynsla, námið felst í því að vita hversu auðvelt það er að halda sér í formi og reynslan felst í þeirri líðan sem fylgir að vera í kjörþyngd.“