Engir tvennir tónleikar eins Magnús Guðmundsson skrifar 24. ágúst 2015 11:45 RGG er þekkt fyrir að vera sífellt í leit að nýjum og spennandi leiðum. Pólska tríóið RGG er sannkallaður hvalreki fyrir íslenska djassunnendur en tríóið hefur hlotið frábæra dóma víða um lönd auk þess sem Aura, nýútkomin fyrsta plata sveitarinnar á alþjóðavísu, hefur fengið afar jákvæðar viðtökur. RGG kemur fram í kvöld á djasskvöldi KEX Hostels og hefjast tónleikarnir kl. 20.30 og er aðgangur ókeypis. Tríóið er skipað þeim Lukasz Ojdana á píanó, Maciej Tarbowski á bassa og Krzysztof Tradziuk á trommur. Anna Kasperek er umboðsmaður sveitarinnar og hún segir að heimsóknin til Íslands hafi komið í eðlilegu framhaldi fyrir RGG sem hafi áður heimsótt bæði Finnland og Svíþjóð og kunni ákaflega vel við skandinavísku tónlistarsenuna. „Þetta er hluti af því að sækja í nýja og sérstaka reynslu, bæði á tónlistarsviðinu og svo ekki síður að upplifa náttúru lands á borð við Ísland. Það er mikilvægt fyrir RGG að halda áfram að þróa sína tónlist og með því að spila fyrir nýja áhorfendur, í nýju umhverfi þá opnast nýjar leiðir. Málið er að RGG var stofnað árið 2001 og þrátt fyrir að hafa alla tíð gengið vel á djasssenunni þá breyttist ýmislegt árið 2013 þegar píanistinn Lukasz Ojdana tók við af Przemyslaw Raminiak. Lukasz er ungur píanisti, aðeins tuttugu og fimm ára gamall, og það er óhætt að segja að hann hafi komið með ferska nálgun inn í tríóið. Það hefur eiginlega verið orðað þannig að innkoma hans hafi orðið til þess að tríóið andi nú dýpra en það hefur áður gert. Það er mikið flæði á tónleikum og mikið impróvíserað þannig að engir tvennir tónleikar eru eins. Eiginlega alveg langt frá því,“ segir Anna og hlær en hún tók að sér að hafa orð fyrir sveitinni sem skellti sér á Gullfoss og Geysi í aðdraganda tónleikanna til þess að ná sér í íslenskan innblástur. „RGG vill síður vera bundið við ákveðna stefnu eins og t.d. djass því hugurinn stendur til þess að vinna á breiðum grunni. Algjört frelsi er inntak þess sem RGG gerir og vonandi eiga Íslendingar eftir að skynja það á tónleikunum.“ Menning Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið Erna Ómars er borgarlistamaður Reykjavíkur Menning The Lazarus Project: Varúð, veldur svefnleysi Gagnrýni „Tilfinningaþrungið að fá að fylgja myndinni í flík sem þessari“ Tíska og hönnun Frambjóðendum gekk misvel í hraðaspurningum Lífið Herra Hnetusmjör og Sara selja íbúðina Lífið Ghost of Tsushima: Kominn út á PC og enn geggjaður Leikjavísir Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Pólska tríóið RGG er sannkallaður hvalreki fyrir íslenska djassunnendur en tríóið hefur hlotið frábæra dóma víða um lönd auk þess sem Aura, nýútkomin fyrsta plata sveitarinnar á alþjóðavísu, hefur fengið afar jákvæðar viðtökur. RGG kemur fram í kvöld á djasskvöldi KEX Hostels og hefjast tónleikarnir kl. 20.30 og er aðgangur ókeypis. Tríóið er skipað þeim Lukasz Ojdana á píanó, Maciej Tarbowski á bassa og Krzysztof Tradziuk á trommur. Anna Kasperek er umboðsmaður sveitarinnar og hún segir að heimsóknin til Íslands hafi komið í eðlilegu framhaldi fyrir RGG sem hafi áður heimsótt bæði Finnland og Svíþjóð og kunni ákaflega vel við skandinavísku tónlistarsenuna. „Þetta er hluti af því að sækja í nýja og sérstaka reynslu, bæði á tónlistarsviðinu og svo ekki síður að upplifa náttúru lands á borð við Ísland. Það er mikilvægt fyrir RGG að halda áfram að þróa sína tónlist og með því að spila fyrir nýja áhorfendur, í nýju umhverfi þá opnast nýjar leiðir. Málið er að RGG var stofnað árið 2001 og þrátt fyrir að hafa alla tíð gengið vel á djasssenunni þá breyttist ýmislegt árið 2013 þegar píanistinn Lukasz Ojdana tók við af Przemyslaw Raminiak. Lukasz er ungur píanisti, aðeins tuttugu og fimm ára gamall, og það er óhætt að segja að hann hafi komið með ferska nálgun inn í tríóið. Það hefur eiginlega verið orðað þannig að innkoma hans hafi orðið til þess að tríóið andi nú dýpra en það hefur áður gert. Það er mikið flæði á tónleikum og mikið impróvíserað þannig að engir tvennir tónleikar eru eins. Eiginlega alveg langt frá því,“ segir Anna og hlær en hún tók að sér að hafa orð fyrir sveitinni sem skellti sér á Gullfoss og Geysi í aðdraganda tónleikanna til þess að ná sér í íslenskan innblástur. „RGG vill síður vera bundið við ákveðna stefnu eins og t.d. djass því hugurinn stendur til þess að vinna á breiðum grunni. Algjört frelsi er inntak þess sem RGG gerir og vonandi eiga Íslendingar eftir að skynja það á tónleikunum.“
Menning Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið Erna Ómars er borgarlistamaður Reykjavíkur Menning The Lazarus Project: Varúð, veldur svefnleysi Gagnrýni „Tilfinningaþrungið að fá að fylgja myndinni í flík sem þessari“ Tíska og hönnun Frambjóðendum gekk misvel í hraðaspurningum Lífið Herra Hnetusmjör og Sara selja íbúðina Lífið Ghost of Tsushima: Kominn út á PC og enn geggjaður Leikjavísir Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira