Óvenju margar Eddur í ár

Það var fjölmenni á Eddunni 2015 sem fram fór í kvöld. Kvikmyndin Vonarstræti sópaði að sér verðlaununum og fékk alls tólf verðlaun. Hátíðin fór fram í Hörpu og var leikkonan Edda Björg Eyjólfsdóttir kynnir Eddunnar í ár.

Óvenju margar Eddur komu við sögu þetta kvöldið, því auk Eddu Bjargar, stigu á svið Edda Andrésdóttir, Edda Arnljótsdóttir, Edda Þórarinsdóttir, Edda Hermannsdóttir og Edda Sif Pálsdóttir.

Myndir af hátíðinni má sjá í meðfylgjandi myndaalbúmi, en þær tók Andri Marinó, ljósmyndari Fréttablaðsins og Vísis.