Hvernig Hafnarfjarðarbær fór illa með skattkortið mitt

Hér er nokkuð óvænt sem ég lenti í síðastliðinn júnímánuð. Þannig var að ég er búin að vera á námsstyrk hjá Hafnarfjarðarbæ í nokkurn tíma og rétt er að nefna að ég er ekki að kvarta yfir því eða þeirri þjónustu á nokkurn hátt. Ef eitthvað er þá er ég þakklátur fyrir það tækifæri þegar það bauðst.

Það er hins vegar hvernig skattkortið mitt var notað þegar ég var að þiggja styrkinn sem er vandamálið sem kom upp loksins þegar þegar ég fékk vinnu í júní síðastliðnum.

Styrkurinn virkar þannig að í enda hvers mánaðar þarftu að skila inn mætingu eða einkunnum ef það er í lok annar.

Svo hér er málið ég skila inn mínum einkunnum í maí og fæ síðan greiddan styrk samkvæmt því en það sem ég vissi ekki og eflaust engum hefði dottið í hug sem möguleika er að sá styrkur er talinn sem greiðsla fyrir júní ekki maí eins maður hefði nú haldið því ég var að skila inn afrakstri skólagöngu sem átti sér stað í maí. Júní var ekki byrjaður þegar ég skilaði inn gögnunum.

Hvernig er það vandamál? Jú því þá var persónuafslátturinn sem ég átti að fá á skattkortið í júní notaður fram í tímann. Svo þegar ég fæ greidd mín laun 1. júlí þá fékk ég minna útborgað en ef ég hefði verið á bótum. Því 37,7 prósent fóru í skatt.

Svo ég hef samband við félagsþjónustuna og spyr út í þetta og jú hvað þá varðar þá er þetta júní greiðsla. Og ég spyr þá hvort engin aðstoð sé í boði því ég var lentur í fjárhagslegum vandræðum út af þessu og mátti þakka fyrir að eiga fyrir leigu og reikningum.

En þá er það ekki hægt því ég fékk greitt meira enn 158.000 og þá er ekkert hægt að hjálpa þér frekar og það er ekkert tekið tillit til skatts þarna. Þó svo að augljóslega var ég að lenda í að fá allt tekið í skatt út af því hvernig þau voru að nota skattkortið.

Svo hér er sem sagt stofnun sem hjálpar fólki í fjárhagslegum vandræðum orðin orsökin að því að ég sé í fjárhagslegum vandræðum og vilja ekkert kannast við að þeirra sé sökin. Þetta hef ég frá ráðgjafanum sem ég þrætti við og svo þegar mér ofbauð það fór ég með þetta í bæjarstjórann sem vísaði þessu til sviðstjóra félagsþjónustunnar og viti menn eina sem koma úr því voru sömu reglunar.

Því enginn þarna vill sjá villuna í þessu. Svo er á sama tíma verið að ýta á að þú farir að vinna skömmu eftir að ég var byrjaður að vinna var hringt frá félagsþjónustunni og ég er spurður mjög kuldalega hvernig atvinnuleitin sé að ganga og mér létti mikið að geta svarað því að ég væri í vinnu. Því ég veit ekki hverslags skammir ég hefði fengið hefði ég ekki verið þá þegar vinnandi.

Svo þeir vilja að þú farir að vinna en hika svo ekki við að misnota skattkortið þitt fram í tímann þannig að þú færð gott sem engar tekjur þegar þú loks ferð að vinna.

Já er ekki eitthvað bogið við þetta?