Kristján Finnbogason hetja FH á móti KR

Hinn 42 ára gamli Kristján Finnbogason var hetja FH-inga á móti hans gömlu félögum í KR í undanúrslitaleik liðanna í Lengjubikars karla í fótbolta sem fram fór á gervigrasi KR-inga.

Kristján varði tvö víti KR-ingar í vítakeppninni og tryggði FH-liðinu þar með 4-2 sigur í vítakeppninni og þar með sæti í úrslitaleiknum. FH mætir annaðhvort Þór eða Breiðabliki í úrslitaleiknum en Blikar eru þar 2-0 yfir í hálfleik.

Kristján varði vítaspyrnur frá KR-ingunum Þorsteini Ragnarssyni og Óskari Erni Haukssyni. FH-ingar skoruðu aftur á móti úr öllum fjórum vítaspyrnum sínum.

Emil Pálsson kom FH í 1-0 strax á 6. mínútu leiksins en Baldur Sigurðsson jafnaði metin á 64. mínútu og 1-1 urðu síðan lokatölur.

Vítakeppnin:

KR - Fh 2-4

1-0 Kjartan Henry Finnbogason, KR - mark

1-1 Ingimundur Níels Óskarsson, FH - mark

    Kristján ver frá Þorsteini Má Ragnarssyni

1-2 Sam Hewson, FH - mark

    Kristján ver frá Óskari Erni Haukssyni

1-3 Atli Guðnasson, FH - mark

2-3 Gunnar Þór Gunnarsson, KR - mark

2-4 Albert Brynjar Ingason, FH - mark