Gekkst undir hnéaðgerð

Bjarni Benediktsson fjármálaráðherra hefur verið meira áberandi undanfarna daga en oft áður vegna umræðunnar um að hætt verði við aðildarumsókn Íslands að Evrópusambandinu.

Þess vegna undruðust margir fjarveru hans frá þingstörfum í gær en á Alþingi hefur hart verið tekist á um þingsályktunartillögu Gunnars Braga Sveinssonar utanríkisráðherra.

Fjarvera Bjarna á sér engu að síður mjög eðlilegar skýringar því hann var að jafna sig eftir hnéaðgerð og eyddi deginum því heima hjá sér í Garðabænum.

Hvort aðgerðin verði til þess að hann komi enn sterkari inn í komandi stjórnmálaátök á eftir að koma í ljós.