Gísla Marteini boðið að fagna með í Höfða

Nýtt aðalskipulag fyrir Reykjavík til 2030 var undirritað við hátíðlega athöfn í Höfða í gær.

Borgarfulltrúar og embættismenn fögnuðu en einnig var viðstaddur sjónvarpsmaðurinn Gísli Marteinn Baldursson.

„Ég er voða glaður með að hafa verið boðið að vera með og fá að sjá þetta verða að veruleika enda hafði ég unnið að skipulaginu frá árinu 2006,“ segir Gísli Marteinn en hann hætti í borgarpólitík þegar hann byrjaði með Sunnudagsmorgna á RÚV.  

Dagur B. Eggertsson deildi mynd af sér og Gísla Marteini af þessu tilefni og sagði aðalskipulagið vera meðal annars merkilegt fyrir það að það var unnið þvert á flokka og að hann og Gísli hefðu fylgt því frá upphafi.