Eldur í sumarbústað við Hafravatn

Eldur kviknaði í um fjörutíu fermetra sumarbústað á milli Úlfarsfells og Hafravatns á tíunda tímanum. Tvær stöðvar fóru á staðinn og eru enn að. Nokkur eldur var í bústaðnum sem er sennilega töluvert skemmdur en hann var mannlaus þegar eldurinn kom upp.

Á sama tíma kom annað útkall þegar tilkynnt var um reyk í fjölbýlishúsi í Bólstaðarhlíð. Slökkiliðk úr Hafnarfirði var sent þangað og er þar enn við reykræstingu.

Ekki virðist hafa verið um eld að ræða og er verið að kanna hvaðan reykurinn kom.