Líkti ástandinu á Íslandi við Úkraínu

Rithöfundurinn Hallgrímur Helgason líkti ástandinu á Íslandi við Úkraínu á Twitter í nótt. Í tísti Hallgrímis segir hann að þjóðin vilji sækja um aðild, en þjóðernishyggjuríkisstjórn áætli að stöðva viðræður.

„Þetta er nú kannski svolítið bratt hjá mér og maður verður að fara verlega að líkja þessu við ástandið í Úkraínu. Þetta er náttúrulega mjög ólíkt og í raun fjarlægt bergmál af ástandinu þar, sem er auðvitað miklu alvarlegra,“ sagði Hallgrímur í samtali við Vísi.

„Úkraínskir vinir mínir eru kannski ekki hrifnir af því að líkja ástandinu hér við þar sem fólk er að deyja.“

„Það eru samt smá líkindi, þar sem þjóðinni virðist langa til Evrópu og til að vera meira í sambandi við Evrópu. Ríkisstjórnin er þó að binda enda á frekari samvinnu.“

Soft version of Ukrainia in Iceland. The people want to apply for EU but the nationalistic government plans to end talks.Demonstration today

— Hallgrímur Helgason (@HalgrimHelgason) February 24, 2014