Ríkisstjórnin réttir úr kútnum

Stuðningur við ríkisstjórn Sigmundar Davíðs Gunnlaugssonar eykst um fjögur prósentustig milli mánaða samkvæmt þjóðarpúlsi Gallup. Ríkisstjórnin nýtur fylgis 40.7% landsmanna, tæpum tveimur prósentustigum meira en samanlagt fylgi ríkisstjórnarflokkanna.

Fylgi flokka breytist tiltölulega lítið milli mánaða. Sjálfstæðisflokkurinn er stærsti flokkur landsins og myndi fjórðungur landsmanna kjósa flokkinn ef gengið yrði til kosninga nú. Framsóknarflokkurinn mælist með 14.1% fylgi og hefur tapað 10% prósentustigum frá síðustu alþingiskosningum.

Samfylkingin mælist með 17.4% fylgi sem er örlítil fylgisaukning milli mánaða.Vinstri hreyfingin grænt framboð mælist með 11.7% og píratar með 9%.

Björt Framtíð hins vegar tapar um tveimur prósentustigum og fengi 15.5% fylgi ef kosið yrði nú. Björt framtíð er eini flokkurinn sem sýnir glögglega fylgistap milli mánaða. Aðrir flokkar bæta við sig eða að fylgi þeirra breytist innan við 0.4 prósentustig milli mánaða.

Sameiginlegt fylgi ríkisstjórnarflokkanna er 39.1% og myndi því meirihlutinn á Alþingi falla nú ári eftir kosningar 2013. Ríkisstjórnarflokkarnir eru þó að sækja í sig veðrið og fylgi þeirra eykst milli mánaða um ríflega eitt prósentustig.