Heppinn að ekki fór verr

Nú þegar sumarið er komið draga margir fram hjólin og nýta sem farartæki milli staða. Þó starfsmenn Reykjavíkurborgar sé byrjaðir að sópa gang- og hjólastíga eftir mikla ísingu í vetur er enn mikill sandur víða um borg.

Það getur verið varasamt fyrir hjólreiðafólk, eins og Jóhann Stefánsson þekkir af eigin raun.

Jóhann má teljast heppinn að ekki fór verr, það sést best á hjálminum sem hann var með þegar slysið varð.

„Mér krossbrá þegar ég sá hve illa hjálmurinn var útleikinn eftir slysið," segir Jóhann.

Samkvæmt upplýsingum frá VÍS fer hjálmanotkun hér á landi vaxandi og hlýtur það að teljast jákvætt. Sé í lagi þegar til þess er horft að hjálmur er talinn minnka líkur á alvarlegum höfuðáverkum um 79%.

Um 600 hjólreiðaslys koma á slysadeild Landsspítalans í Fossvogi á ári hverju. Algengast er að fólk slasist á útlimum en 20% slasast á höfði.

Jóhann hvetur hjólreiðamenn til að fara varlega og hann er að sjálfsögðu búinn að fá sér nýjan hjálm.

„Ég er alltaf með hjálm. Ég starfa hjá tryggingafélagi og þetta er eins með hjálminn og tryggingarnar. Það er nauðsynlegt að hafa þetta, en svo vonar maður bara að það reyni ekki á þetta," segir Jóhann.