Hverfisgata opnuð fyrir umferð

Hverfisgatan var opnuð á ný fyrir bílaumferð í gær. Áfram verður unnið við lokafrágang götunnar alla næstu viku.

Í tilkynningu frá Reykjavíkurborg kemur fram að verslunarmenn séu ánægðir með þessi tímamót og að verklokum verði fagnað á laugardaginn eftir viku.

Í gær voru lagnir myndaðar til að ganga úr skugga um að ekkert hefði gengið úr skorðum við jarðvegsþjöppun og einnig var sandur hreinsaður úr niðurföllum. Umferðartálmar verða fjarlægðir, en vinnusvæðamerkingar verða þó áfram uppi og hraðatakmörk eru 20 km/klst.

Í næsta áfanga verður Hverfisgatan frá Vitastíg að Snorrabraut endurgerð.