Emmsjé Gauti sýpur seyðið af ófærðinni

Norðfirðingar eru ekki þeir einu sem þurfa að súpa seyðið af slæmu veðurfari en aflýsa þurfti tónleikum með Emmsjé Gauta, Úlfi Úlfi og Agent Fresco sem áttu að vera í Menningarhúsi Vestfirðing Edinborgarhúsinu. Edinborgarhúsið er á Ísafirði.

Þetta kemur fram í tilkynningu sem fréttastofu barst frá tónleikahöldurum.

Samkvæmt upplýsingum frá Vegagerðinni er ófært á Steingrímsfjarðarheiði og Þröskuldum. Þá er þungfært og skafrenningur á Hjallahálsi og þæfingsfærð og skafrenningur í Króksfirði. Hálkublettir eru á Innstrandarvegi.

Þeir sem keypt höfðu miða á tónleikana eru beðnir um að hafa samband við Edinborg Bistró og þar geta þeir fengið miða endurgreidda.