Ráðherra skipar nýja stjórn

Ársfundur Byggðastofnunar verður haldinn í dag í Miðgarði í Skagafirði. Á ársfundinum mun Sigurður Ingi Jóhannsson, ráðherra byggðamála, skipa nýja stjórn stofnunarinnar.

Samkvæmt heimildum Fréttablaðsins verður ekki skipt um formann stjórnar, sem skipaður var árið 2011 af Katrínu Júlíusdóttur, fyrrverandi ráðherra byggðamála. Formennsku gegnir Þóroddur Bjarnason.

Á fundinum verður einnig haldin málstofa undir yfirskriftinni „Hvernig má svæðisskipta Íslandi með tilliti til byggðaaðgerða?“

Hagnaður af rekstri Byggðastofnunar var 189 milljónir árið 2013.