Ný stjórn landsnefndar UN Women á Íslandi

Ný stjórn landsnefndar UN Women á Íslandi var kjörin á aðalfundi félagsins á fimmtudaginn. Starfsemi landsnefndar hefur vaxið ört á undanförnum árum, samkvæmt tilkynningu. Þá segir að aldrei hafi fleiri styrkt samtökin með mánaðarlegu framlagi.

Framlög samtakanna til verkefna erlendis hækkuðu um 40 prósent á milli áranna 2012 og 13. Íslenska landsnefndin á hæsta framlag landsnefnda til Styrktarsjóðs Sameinuðu þjóðanna til afnáms ofbeldis gegn konum sem rekinn er undir hatti UN Women.

Guðrún Ögmundsdóttir hagfræðingur var endurkjörin formaður samtakanna. Í stjórn sitja sem fyrr Ólafur Stephensen ritstjóri, Kristjana Sigurbjörnsdóttir mannfjölda – og þróunarfræðingur, Frímann Sigurðsson verkefna- og verkferlastjóri,  Guðrún Norðfjörð markaðsráðgjafi og Hrefna Dögg Gunnarsdóttir lögfræðingur.

Eftirtaldir voru kjörnir nýir í stjórn á aðalfundi samtakanna:  Arna Gerður Bang alþjóðastjórnmálafræðingur, Karen Áslaug Vignisdóttir hagfræðingur, Þórður Snær Júlíusson ritstjóri, Vilborg Ólafsdóttir leikstjóri og Magnús Orri Schram ráðgjafi. Í varastjórn sitja Fanney Karlsdóttir forstöðumaður og Soffía Sigurgeirsdóttir alþjóðastjórnmálafræðingur