Ólafur Karl: Mér er svolítið kalt

„Mér líður ágætlega, en mér er svolítið kalt,“ sagði Ólafur Karl Finsen, hetja Stjörnunnar, í viðtali á Stöð 2 Sport eftir sigurinn ótrúlega í úrslitaleiknum gegn FH í dag.

Aðspurður hvað hann var að hugsa þegar hann fór á punktinn í uppbótartíma sagði hann: „Um að verða Íslandsmeistari. Ég var bara kaldur ef ég á að vera hreinskilinn. Mér hlakkaði bara til stundarinnar.“

Ólafur Karl var enn að reyna að átta sig á því sem gerðist í leiknum þegar hann spjallaði við Ásgeir Erlendsson.

„Ég þarf aðeins að melta þetta. Ég get ekki alveg sagt hvernig mér líður. Þetta er bara náttúrleg víma.“